ច័ន្ទ 10 តុលា 2011 4:28 PM
តាមសេចក្តីប្រកាសព័ត៌មានរបស់អង្គជំនុំជម្រះវិសាមញ្ញក្នុងតុលាការកម្ពុជា ឬតុលាការខ្មែរក្រហមដែលចេញផ្សាយនៅថ្ងៃចន្ទនេះ បាននិយាយថា លោក Siegried Blunk សហចៅក្រមស៊ើបអង្កេតភាគីអន្តរជាតិ របស់សាលាក្តីនេះបានដាក់ពាក្យលាឈប់ហើយ កាលពីថ្ងៃទី០៨ តុលា កន្លងទៅនេះ ក្រោយពីមានភាពចម្រូងចម្រាស់ជាមួយភាគីរដ្ឋាភិបាលកម្ពុជា ពាក់ព័ន្ធនឹងសំណុំរឿង០០៣ និង០០៤។
ការលាឈប់របស់លោក Blunk នេះ គឺធ្វើឡើងក្រោយពី
អង្គការឃ្លាំមើលសិទ្ធិមនុស្សកាលពីសប្តាហ៍មុនបានអំពាវនាវឲ្យរូបលោក និងលោក យូ ប៊ុនឡេង ដែលសហចៅក្រមស៊ើបអង្កេតក្នុងសាលាក្តីកូនកាត់អង្គការសហប្រជាជាតិកម្ពុជានេះ លាលែងចេញពីតំណែងដោយសារតែទង្វើខុសឆ្គង និងច្បាប់នៅក្នុងតុលាការនេះ។សេចក្តីថ្លែងការណ៍ដែលផ្តោតទៅលើលោក Blunk និងលោក យូ ប៊ុនឡេង ក៏បានធ្វើការស្តីបន្ទោសចំពោះការសម្រេចដែលស្ថិតក្រោមឥទ្ធិពលនយោបាយ ដែលឆ្លុះបញ្ចាំងពីទស្សនៈរបស់លោក ហ៊ុន សែន សហព្រះរាជអាជ្ញាកម្ពុជាលោកស្រី ជា លាង បានខិតខំរារាំងការចោទប្រកាន់ក្នុងសំណុំរឿង០០៣ និង០០៤ ដោយអះអាងថា ជនសង្ស័យពុំស្របនឹងនិយមន័យ នៃពាក្យអ្នកទទួលខុសត្រូវខ្ពស់បំផុតក្រោមច្បាប់របស់ អ.វ.ត.ក៕
0 comments:
Post a Comment