Print 
PDFព្រហស្បតិ៍ 08 កញ្ញា 2011 10:24 AM | មាស មុន្នី
ប្រធានគណៈកម្មាធិការជាតិប្រឆាំងអំពើពុករលួយដែលជាអង្គការក្រៅរដ្ឋាភិបាលបាននិយាយថា នាយរងកងអង្គរក្សរបស់ហ៊ុនសែនព្រមានចាប់ខ្លួន បន្ទាប់ពីការធ្វើសន្និសីទកាសែតមួយដោយអង្គការនេះ ស្ដីពីការប្រើប្រាស់កម្លាំងរំលោភយក ដីរបស់ប្រជាពលរដ្ឋដោយនាយរងកងអង្គរក្សរូបនោះ។
លោកស្រីម៉ម ស៊ីថា ក្នុងពេលធ្វើសន្និសីទកាសែត
លោកស្រី ម៉ម ស៊ីថា បានថ្លែងប្រាប់ទស្សនាវដ្ដីសារព័ត៌មានសេរីនៅព្រឹកថ្ងៃ ព្រហស្បតិ៍ នេះថា លោក ណឹម ម៉េង នាយរងកងអង្គរក្ស ហ៊ុន សែន បានគំរាមចាប់ខ្លួនគាត់និងជនរងគ្រោះដែលទទួលរងការរំលោភយកដីពីមន្ត្រីរូបនេះ ។
ការព្រមានចាប់ខ្លួននេះបានធ្វើឡើងបន្ទាប់ពីគណៈកម្មាធិការជាតិប្រឆាំងអំពើពុករលួយបានធ្វើសន្និសីទកាសែតមួយកាលពីថ្ងៃទី៦កញ្ញាដែលលើកឡើងពីការប្រើប្រាស់អំណាចឥទ្ធិពលដោយលោក ណឹម ម៉េង ក្នុងសកម្មភាព រំលោភយកដី អ្នកស្រី សុខ នាងហ្គិច ដែលស្ថិតនៅភូមិ៤ សង្កាត់ អូរត្រេះ ស្រុក ស្ទឹងហាវ ក្រុង ព្រះសីហនុ , ដោយរួមមានទាំងការប្រើប្រាស់កម្លាំងប្រដាប់អាវុធប្រឆាំងចំពោះការអនុវត្តសាលក្រមក្នុងសំណុំរឿងនេះ ផងដែរ ។
លោកស្រី ម៉ម ស៊ីថាបានថ្លែងថា គាត់ចង់ឃើញមានការគោរពច្បាប់ពីក្រុមមន្ត្រីរដ្ឋាភិបាលជាជាងការប្រើសាច់ដុំ ក្នុងការដោះស្រាយបញ្ហា នៅក្នុងសម័យដែលគេប្រើប្រាសច្បាប់នេះ៕
0 comments:
Post a Comment