ហេតុអ្វីលោកឡៅ ម៉េងឃិន បានចំណែកដីដែរ?

គេមិនយល់ទាល់តែសោះថា ហេតុអ្វីបានជាលោកឡៅម៉េងឃិន សមាជិកព្រឹទ្ធសភា មក​ពី គណបក្ស ប្រជាជន កម្ពុជា និង ជាស្វាមី លោកស្រីឈឹងសុភាព ហៅយាយភូ ដែល ជាប្រ​ធាន ក្រុមហ៊ុន ស៊ូកាគូអ៊ីន នេះ បានទទួលដី ចំនួន១២កន្លែង (១២ប្លង់) ពីការសម្បទាន របស់​រដ្ឋាភិបាល (សម្តេចហ៊ុនសែន) ទៅវិញ?។

តាមការ រាយការណ៍ របស់កាសែត ក្នុងស្រុកមយចំនួន បាននិយាយថា ក្រោយពីទទួលការ សម្របសម្រួល ពីសម្តេច ហ៊ុនសែន នាយករដ្ឋមន្រ្តី ថាឲ្យ កាត់ដី ចំនួន ១២.៦ ហិតា ឲ្យទៅអ្នកភូមិ បឹងកក់ ចំនួន ជាង៨០០គ្រួសារ ចុងក្រោយនេះ មក គេក៏ឃើញឈ្មោះ លោកឡៅម៉េងឃិន សមាជិក ព្រឹទ្ធសភា នេះ មានឈ្មោះ ត្រូវទទួលបាន ដីរហូត ដល់ទៅ ១២កន្លែង។ តើនេះជាអ្វី? តើ លោក ឡៅម៉េងឃិន ពិតជាជនរងគ្រោះ ដែលត្រូវទទួល បានដីនោះ ដែរ ឬយ៉ាងណា?។ តើជា ល្បិចកល និងជាការ ឃុបឃិត របស់អាជ្ញាធរ ជាមួយ ក្រុមហ៊ុន ឬយ៉ាងណា?។ តើលោក ឡៅម៉េងឃិន ពិតជា ជនរងគ្រោះ ដែរឬយ៉ាងណា?។ ហេតុអ្វី បានជា ពួកគេ ធ្វើដូច្នេះ ដោយ​សុខចិត្ត បន្តទុក ឲ្យទឹកភ្នែក របស់ ជនរងគ្រោះ ពិតប្រាកដ ជាម្ចាស់ឆ្នោត ពិតប្រាកដហូរ ​យ៉ាង​នេះ?។

ពួកគេ បន្ត វាយដំ លើជន រងគ្រោះ បន្តកេងប្រវ័ញ្ច បន្លំជនរងគ្រោះ និង គំរាមកំហែង​ ជន​រងគ្រោះ ដែលបណ្តាល មកពីការ អភិវឌ្ឍរបស់ពួកគេ។ ពួកគេគ្មាន មនោសញ្ចេតនា គ្មាន​ការយោគយល់ និងគិតថា ពួកជនរងគ្រោះ ទាំងនោះសុទ្ធតែជា ខ្មែរដូចគ្នាទេ។​ ពួកគេ​ប្រើច្បាប់ព្រៃ ដើម្បី បង្រ្កាប ទៅលើហ្វូង បាតុករ ដែលមាន តែដៃទទេ។ ពួកគេត្រូវ ក្រុមអ្នក ​ភូមិជេរ និងដៀលថា សាហាវ ជាងពួក ខ្មែរក្រហម ទៅទៀត។ ពួកគេជាចោរ មានឯក​សណ្ឋាន ជាឃាតករស្របច្បាប់។