Print 
PDF
ច័ន្ទ 19 កញ្ញា 2011 2:01 PM
នៅថ្ងៃចន្ទនេះ ក្រុមអ្នកតំណាងរាស្រ្តគណបក្សសមរង្ស៊ីដែលជាគណបក្សនយោបាយធំជាងគេលំដាប់ទី២នៅកម្ពុជាបានប្រកាសថា ក្រុមហ៊ុនស៊ូកាគូ គឺជាសត្រូវ នៃប្រជារាស្រ្តខ្មែរ ដោយសារក្រុមហ៊ុននេះបាននិងកំពុងបណ្តេញប្រជាពលរដ្ឋពីតំបន់បឹងកក់នាទីក្រុងភ្នំពេញ ដោយរឹបអូសយកដីធ្លី ផ្ទះសំបែងប្រជាពលរដ្ឋ។
ក្នុងសេចក្តីប្រកាសរបស់ក្រុមអ្នកតំណាងរាស្រ្តគណបក្សសមរង្ស៊ីនោះ ក៏បានធ្វើការអំពាវនាវឲ្យរាល់ក្រុមហ៊ុន និងអង្គការនានាក្នុងពិភពលោក មិនត្រូវចូលរួមជាមួយក្រុមហ៊ុនស៊ូកាគូអ៊ីនតាមគ្រប់រូបភាពឡើយ ដូចជា ចូលក្រុមហ៊ុនជាមួយក្រុមហ៊ុននេះ ឲ្យក្រុមហ៊ុននេះខ្ចីលុយ កុំផ្តល់ការធានាអ្វីមួយដល់ក្រុមហ៊ុននេះ កុំទិញទំនិញ ឬសេវាពីក្រុមហ៊ុននេះ កុំលក់ទំនិញ ឬសេវាអ្វីឲ្យក្រុមហ៊ុននេះជាដើម។ ដោយសេចក្តីប្រកាសបានបន្តថា សត្រូវនៃប្រជារាស្រ្តខ្មែរបែបនេះ គឺនឹងត្រូវផ្តន្ទាទោសនៅពេលដែលប្រទេសកម្ពុជាក្លាយទៅជាប្រទេសប្រជាធិបតេយ្យ ឯករាជ្យ និងប្រកបដោយអធិបតេយ្យភាពពេញលេញ។
ការប្រកាសរបស់ក្រុមអ្នកតំណាងរាស្រ្តគណបក្សសមរង្ស៊ីនេះ គឺធ្វើឡើងក្រោយពីក្រុមហ៊ុនស៊ូកាគូអ៊ីន និងក្រុមអាជ្ញាធរកាលពីសប្តាហ៍មុនបានប្រើអំពើហិង្សាមកក្រុមប្រជាពលរដ្ឋអ្នកបឹងកក់ដោយវាយកំទេចផ្ទះអស់ចំនួន៨ខ្នង និងបានវាយដំមកលើយុវជនគណបក្សសមរង្ស៊ីម្នាក់ឈ្មោះ សួង សុភ័ណ ឲ្យបាក់ម្រាមដៃ និងបែកក្បាល ហើយកាលពីថ្ងៃម្សិលមិញនេះ ផ្ទះប្រជាពលរដ្ឋចំនួន៨ខ្នងទៀតនៅតំបន់បឹងកក់ ក៏ត្រូវបានក្រុមហ៊ុននេះបូមខ្សាច់ពន្លិចផងដែរ៕
លោក សួង សុភ័ណ ដែលត្រូវប៉ូលិសព្រួតវាយក្នុង ការប៉ះទង្គិចគ្នា នៅតំបន់បឹងកក់កាលពីថ្ងៃសៅរ៍
ការប្រកាសរបស់ក្រុមអ្នកតំណាងរាស្រ្តគណបក្សសមរង្ស៊ីនេះ គឺធ្វើឡើងក្រោយពីក្រុមហ៊ុនស៊ូកាគូអ៊ីន និងក្រុមអាជ្ញាធរកាលពីសប្តាហ៍មុនបានប្រើអំពើហិង្សាមកក្រុមប្រជាពលរដ្ឋអ្នកបឹងកក់ដោយវាយកំទេចផ្ទះអស់ចំនួន៨ខ្នង និងបានវាយដំមកលើយុវជនគណបក្សសមរង្ស៊ីម្នាក់ឈ្មោះ សួង សុភ័ណ ឲ្យបាក់ម្រាមដៃ និងបែកក្បាល ហើយកាលពីថ្ងៃម្សិលមិញនេះ ផ្ទះប្រជាពលរដ្ឋចំនួន៨ខ្នងទៀតនៅតំបន់បឹងកក់ ក៏ត្រូវបានក្រុមហ៊ុននេះបូមខ្សាច់ពន្លិចផងដែរ៕
0 comments:
Post a Comment