Print 
PDFកំពតៈ មន្ត្រីបាននិយាយថា ប្រជាពលរដ្ឋជាង ៦០គ្រួសារ ដែលរស់នៅក្នុងភូមិតេជោអន្លង់ក្មេងលេង ឃុំតេជោអភិវឌ្ឍន៍ ស្រុកឈូក ខេត្តកំពត នៅថ្ងៃព្រហស្បតិ៍នេះ បាននាំគ្នាស្រែកតវ៉ា ប្រឆាំងគណៈកម្មការដីសម្បទានសង្គមកិច្ចខេត្ត ដែលបាននាំយកគ្រឿងចក្រទៅឈូសឆាយដីសម្បទានសង្គមកិច្ចនៅក្នុងភូមិឃុំរបស់ពួកគាត់។
លោក ជឹម សឿន មេឃុំតេជោអភិវឌ្ឍន៍ ដែលជាឃុំទើបត្រូវបានបង្កើតឡើងថ្មីនោះ បានប្រាប់ភ្នំពេញប៉ុស្តិ៍ថ្ងៃទី០១ ខែសីហា ឆ្នាំ២០១១នេះថា ប្រជាពលរដ្ឋប្រមាណជិត ១០០នាក់ បាននាំគ្នាតវ៉ាប្រឆាំងនឹងគណៈកម្មការដី
សម្បទានសង្គមកិច្ចខេត្ត ដែលបានយកគ្រឿងចក្រទៅឈូសឆាយដីបម្រុងទុកសម្រាប់សម្បទានសង្គមកិច្ចប្រមាណ ១២០០ហិកតា ដែលស្ថិតនៅក្បែរតំបន់រស់នៅរបស់ពួកគាត់។លោកបានបន្តថា ការឈូសឆាយនេះ គឺដើម្បីរៀបចំហេដ្ឋារចនាសម្ព័ន្ធផ្លូវ និង សម្រាប់បែងចែកជូនគ្រួសារអតីតយុទ្ធជន និងយោធិននិវត្តន៍ចំនួន ២៥០ គ្រួសារ ដែលកំពុងខ្វះទីជម្រក។
លោកបានថ្លែងថា៖ «យោងតាមគោលនយោបាយរបស់រដ្ឋាភិបាល គ្រួសារយុទ្ធជនទាំងនេះ នឹងទទួលបានដីសម្រាប់សង់លំនៅដ្ឋាន ឬ ហៅថាដីភូមិទំហំ ៣០ម៉ែត្រ x ៤០ម៉ែត្រ និងដីចំការទំហំមួយហិកតាក្នុងមួយគ្រួសារ»។
0 comments:
Post a Comment