Print 
PDFក្រចេះ: អ្នកភូមិប្រហែល ៥០០នាក់ មកពី ៦ភូមិ នៅស្រុកស្នួល ខេត្តក្រចេះ ដែលបានបិទផ្លូវជាតិលេខ ៧ ប្រឆាំងនឹងក្រុមហ៊ុនចម្ការកៅស៊ូវៀតណាម Dau Thieng Cambodia Rubber Development Co., Ltd និងក្រុមហ៊ុន Dau Thieng Kratie Rubber Development Co., Ltd ដើម្បីទាមទារយកដីពួកគេត្រឡប់មកវិញនោះ បានសម្រេចចិត្តបើកផ្លូវឲ្យចរាចរណ៍ឡើងវិញ បន្ទាប់ពីអាជ្ញាធរខេត្តនេះ បានសន្យាស្វែងរកដំណោះស្រាយសម្រាប់អ្នកភូមិទាំងនោះនៅថ្ងៃអង្គារខាងមុខនេះ។
រថយន្តតូចធំៗជាច្រើនគ្រឿង បានជាប់គាំងនៅតាមផ្លូវជាតិលេខ ៧ នៅមុខឃុំស្វាយជ្រះ តាំងពីម៉ោ ៨ព្រឹករហូត
ដល់ម៉ោងជាង ១២ថ្ងៃ បន្ទាប់ពីអ្នកភូមិកាប់ផ្តួលដើមឈើធំៗដាក់កាត់ទទឹងផ្លូវ និងបានអង្គុយតម្រៀបគ្នានៅតាមផ្លូវនេះ។លោក យ៉េន គ្រៀត តំណាងម្នាក់របស់អ្នកភូមិ បានថ្លែងថា ក្រុមអ្នកភូមិបានឯកភាពគ្នាបញ្ឈប់ការរាំងខ្ទប់ផ្លូវហើយ បន្ទាប់ពីអភិបាលរងខេត្តក្រចេះ សន្យាស្វែងរកដំណោះស្រាយសម្រាប់អ្នកភូមិ ដោយនឹងជួបប្រជុំជាមួយតំណាងក្រុមហ៊ុន មេឃុំ និងអភិបាលខេត្ត។
លោកមានប្រសាសន៍ថា៖ «ថ្ងៃស្អែកនេះ ប្រសិនបើពួកគេមិនអាចស្វែងរកដំណោះស្រាយសម្រាប់ពួកយើងទេ យើងនឹងធ្វើបាតុកម្មធំ និងរាំងខ្ទប់ផ្លូវរហូតដល់អភិបាលខេត្តរកឃើញដំណោះស្រាយសម្រាប់ពួកយើង»។
0 comments:
Post a Comment