ពុធ 07 កញ្ញា 2011 8:29 AM |
សិលាពល សកម្មជន គណបក្សសិទ្ធិមនុស្សពីររូប ដែលត្រូវបានចាប់ខ្លួនកាលពីថ្ងៃព្រហស្បតិ៍សប្ដាហ៍មុនក្រោមបទ ញុះញង់ប្រឆាំងរដ្ឋាភិបាលទាក់ទងការចែកខិតប័ណ្ណ ដែលពិពណ៌នាពីមហិច្ឆតាឈ្លាន ពានរបស់យួននិងសៀម រួមទាំងធ្វើការរិះគន់រដ្ឋាភិបាលពីការធ្វើសម្បទានដីធ្លីទៅឲ្យ ក្រុមហ៊ុនបរទេសរយៈពេលយូរនោះ ត្រូវបានដោះលែងឲ្យនៅក្រៅឃុំជាបណ្ដោះអាសន្ន កាលពីថ្ងៃអង្គារម្សិលមិញ។ប៉ុន្តែតុលាការនៅតែបន្តការស៊ើបអង្កេត បន្ថែមទៀត ចំពោះករណីនេះ។
លោក ផនផានិង លោក ភូ យ៉នសកម្មជនបក្សសិទ្ធិមនុស្ស
លោក ហួត វុទ្ធី ព្រះរាជអាជ្ញាសាលាដំបូងខេត្តកំពង់ចាម បានថ្លែងប្រាប់ប្រព័ន្ធផ្សព្វផ្សាយព័ត៌មានថា ” គ្រួសារជនសង្ស័យបាន ស្នើសុំឲ្យដោះលែងបុរសទាំងពីរនាក់នេះ កាលពីថ្ងៃ ចន្ទ , តុលាការបានដោះលែងពួកគេ ឲ្យនៅក្រៅឃុំជាបណ្ដោះអាសន្ន ។ ប៉ុន្តែរឿងក្ដីនេះ មិនទាន់ចប់នៅឡើយទេ…”។
លោក ផន ផា អាយុ៦៦ឆ្នាំ និង លោក ភូ យ៉ន អាយុ៧១ឆ្នាំ ដែលអ្នកទាំងពីរជាសកម្មជនគណបក្សសិទ្ធិមនុស្សនៅឃុំទន្លេបិទ ស្រុក ត្បូងឃ្មុំ ត្រូវបានចាប់ខ្លួនកាលពីថ្ងៃ ព្រហស្បតិ៍ សប្ដាហ៍កន្លងទៅ បន្ទាប់ពីបានចែកខិតប័ណ្ណ ដែលត្រូវបានអះអាងថា ជាគោលនយោបាយរបស់គណបក្សសិទ្ធិមនុស្ស ដែលបានរិះគន់រដ្ឋាភិបាល និង មហិច្ឆតារបស់យួន-សៀម មកលើកម្ពុជា ។ លោក កឹម សុខា ប្រធានគណបក្សសិទ្ធិមនុស្សបានចាត់ទុកការចាប់ខ្លួននោះថា ជាការគំរាមកំហែងបំភិតបំភ័យរបស់អាជ្ញាធរបក្សប្រជាជន ដែលតែងតែកើតមាននៅពេលការ បោះឆ្នោតជិតឈានចូលមកដល់ ៕
Print 
PDF
191 Views 
0 comments:
Post a Comment