Print 
PDF
147 Views 
ស្លាកសញ្ញាគណបក្សសិទ្ធិមនុស្ស
កាលពីវេលាម៉ោង៦ល្ងាចថ្ងៃទី០១ ខែកញ្ញា ម្សិលមិញ អាជ្ញាធរមូលដ្ឋាន និងប៉ូលិសខេត្តកំពង់ចាម បានធ្វើការចាប់ខ្លួនសកម្មជនគណបក្សសិទ្ធិមនុស្សចំនួនពីររូប គឺលោក ផាន ផា អាយុ៦៦ឆ្នាំ ជាអនុប្រធានគណៈកម្មាធិការប្រតិបត្តិគណបក្សសិទ្ធិមនុស្សប្រចាំឃុំ ទន្លេបិទ ស្រុកត្បូងឃ្មុំ ខេត្តកំពង់ចាម និងលោក ភូមិ យាន អាយុ៧១ឆ្នាំ ជាសកម្មជនតំណាងភូមិទួលខ្សាច់ ឃុំទន្លេបិទ ស្រុកត្បូងឃ្មុំ ខេត្តកំពង់ចាម ខណៈដែលសកម្មជនទាំងពីររូបនេះមានឯកសារកាន់នឹងដៃអំពីបញ្ហាកិច្ច សន្យាដីសម្បទាន៩៩ឆ្នាំទៅឲ្យប្រទេសវៀតណាម។
គណបក្សសិទ្ធិមនុស្សបាននិយាយនៅក្នុងសេចក្តីថ្លែងការណ៍ថា ការចាប់ខ្លួននេះកើតឡើងដោយគ្រាន់តែសកម្មជនថ្នាក់ឃុំរបស់ខ្លួន គឺលោក ផាន ផា យកឯកសារដែលពាក់ព័ន្ធនឹងកិច្ចការបោះឆ្នោតគោលនយោបាយ និងប្រវត្តិសាស្រ្តខ្មែរទៅប្រគល់ទៅឲ្យសកម្មជនថ្នាក់ភូមិ គឺលោក ភូមិ យាន តែប៉ុណ្ណោះ ហើយត្រូវបានមេភូមិមកពីគណបក្សកាន់អំណាចឃើញ ក៏ឆក់យកទៅឲ្យប៉ូលិស ហើយមួយថ្ងៃក្រោយមកប៉ូលិសក៏នាំខ្លួនសកម្មជនទាងពីររូបនោះទៅឃុំ នៅស្នងការប៉ូលិសខេត្តកំពង់ចាមតែម្តង។
បើតាមលោក សេង សៀងលី ប្រធានគណៈកម្មការប្រតិបត្តិគណបក្សសិទ្ធិមនុស្សខេត្តកំពង់ចាមបានឲ្យ ដឹងថា សកម្មជនទាំងពីររូបនោះត្រូវបានចោទពីបទញុះញង់បំបែកបំបាក់ សាមគ្គីភាព ចំណងមិត្តភាពកម្ពុជា-វៀតណាម៕
0 comments:
Post a Comment