សេចក្តីជូនដំណឹងរបស់រណសិរ្សរំដោះជាតិខ្មែរ

សេចក្តីជូនដំណឹងមួយរបស់រណសិរ្សរំដោះជាតិខ្មែរបានឱ្យដឹងថា លោក សម សេរី ប្រធាន​ រណសិរ្សរំដោះជាតិខ្មែរ ដែលមានទីស្នាក់ការបណ្តោះអាសន្ន នៅប្រទេសដាណឺម៉ាក នឹងអញ្ចើញចូលជូប លោក Maritin Lidegaard រដ្ឋមន្ត្រីក្រសួងការបរទេស នៃព្រះរាជាណាចក្រដាណឺម៉ាក។ កិច្ចជំនួបនេះនិងប្រព្រឹត្តទៅនៅថ្ងៃទី០៦ ខែមិថុនា ឆ្នាំ២០១៤ ខាងមុននេះ។ លោក សម សេរី និងពិភាក្សាការងារជាមួយ លោករដ្ឋមន្រ្តីក្រសួងការបរទេសដាណឺម៉ាក អំពីប្រទេសវៀតណាម និងមេដឹកនាំផ្តាច់ការហ៊ុន សែនដែលបាននិងកំពុងរំលោភកិច្ចព្រមព្រៀងទីក្រុងប៉ារីស និងបញ្ហារំលោភសិទ្ធិមនុស្សកាន់តែធ្ងន់ធ្ងរនៅកម្ពុជា។
ក្នុងសេចក្តីជូនដំណឹងនោះបានអំពាវនាវឱ្យប្រជាជាតិខ្មែរដែលស្រលាញ់ឯករាជ្យ សន្តិភាព យុត្តិធម៌ និងប្រជាធិបតេយ្យពិតប្រាកដ ទាំងក្នុងប្រទេស និងក្រៅប្រទេសនៅលើពិភពលោក ឱ្យចូលរួមជាមួយ រណសិរ្សរំដោះជាតិខ្មែរ ព្រោះថា រណសិរ្សរំដោះជាតិខ្មែរ បាននិងកំពុងតស៊ូលើឆាកអន្តរជាតិ ដោយឈរលើច្បាប់អន្តរជាតិ សន្ធិសញ្ញាទីក្រុងប៉ារីស២៣ តុលា ឆ្នាំ១៩៩១ ដើម្បីរំដោះជាតិ សាសនា ប្រជាជាតិខ្មែរ ឱ្យចេញពីរបបផ្តាច់ការអាយ៉ងយួនហ៊ុន សែន និង អាណានិគមយួនបែបថ្មី ឱ្យមានសន្តិភាព ឯករាជ្យ និងលទ្ធិប្រជាធិបតេយ្យពិតប្រាកដក្នុងប្រទេសខ្មែរ៕