លោក ស៊ូប៊ែឌី៖ សេរីភាពបញ្ចេញមតិនិងវប្បធម៌និទ្ទណ្ឌភាពនៅតែជាកង្វល់

លោក ស៊ូប៊ែឌី៖ សេរីភាពបញ្ចេញមតិនិងវប្បធម៌និទ្ទណ្ឌភាពនៅតែជាកង្វល់

នៅក្នុងសន្និសីទកាសែតនៃការបញ្ចប់បេសកកម្មលើកទី៩ នៅកម្ពុជា នៅថ្ងៃទី២៥ ឧសភា ក្នុងការិយាល័យឧត្ដមស្នងការអង្គការសហប្រជាជាតិ ទទួលបន្ទុកសិទ្ធិមនុស្សប្រចាំកម្ពុជា លោក សុរិយា ស៊ូប៊ែឌី បានថ្លែងថា សេរីភាពបញ្ចេញមតិនៅតែជាក្ដីកង្វល់ ដោយសារតែអ្នកទាំងឡាយដែលបម្រើការនៅតាមប្រព័ន្ធផ្សព្វផ្សាយ អាចនឹងកម្រិតការនិយាយស្ដីរបស់ខ្លួន ព្រោះកន្លងមកមានចំណាត់ការយ៉ាងតឹងរ៉ឹងទៅលើបុគ្គលមួយចំនួន ដែលបម្រើការតាមប្រព័ន្ធផ្សព្វផ្សាយ និងទៅលើអ្នកការពារសិទ្ធិមនុស្ស។ ចំណែកឯវប្បធម៌និទ្ទណ្ឌភាពវិញ បញ្ជីបទល្មើសជាច្រើនក៏ជាកង្វល់មួយដែរ ព្រោះក្នុងនោះមិនទាន់មានជនណាម្នាក់ត្រូវបាននាំខ្លួនមកផ្ដន្ទាទោសតាមច្បាប់នៅឡើយ។