សម័យដែក ជោរ សប្បាយអស្ចារ្យខ្មែរទៅទទួលទេវតាឆ្នាំថ្មី នៅក្រុងហូជីមីញទៅវិញ

ក្រុមហ៊ុនរថយន្តក្រុងទៅវៀតណាមត្រូវប៉ាន់ពេលចូលឆ្នាំ

ថ្ងៃទី 14 មេសា 2013 | ដោយ: គ្រីទិច

Cambodia Express News

ភ្នំពេញ: ក្រុមហ៊ុនរថយន្តក្រុងទាំងអស់ដែលដឹកអ្នកដំណើរទៅវៀតណាមសុទ្ឋតែមានមនុស្សពេញហើយអ្នកដំណើរដែលមិនបានកក់សំបុត្រជាមុននោះក៏មិនអាចរកទិញសំបុត្រសំរាប់ធ្វើដំណើរបាន។
ក្រុមហ៊ុន Mekong Express ក្រុមហ៊ុនកាពីតូល ក្រុមហ៊ុនសូរីយា ក្រុមហ៊ុន Mai Linh របស់វៀតណាម និងក្រុមហ៊ុន Paramountដែលមានសេវេធ្វើដំណើរពីភ្នំពេញទៅហូជីមីញនោះសុទ្ឋតែបានអះអាងថារថយន្តធ្វើដឹកអ្នកដំណើរពីភ្នំពេញទៅហូជីមីញនៅថ្ងៃទី១៤ខែមេសានេះសុទ្ឋតែពេញៗទាំងអស់។
ចំណែកភ្ញៀវដែលមិនបានកក់សំបុត្រមុនក៏មិនអាចរកសំបុត្រធ្វើដំណើរបាន។
ការធ្វើដំណើរពីភ្នំពេញទៅហូជីមីញមានច្រើនជាងរៀងរាល់ឆ្នាំដោយសារ តែសេវា សុខភាព នៅក្នុងប្រទេស កម្ពុជា ទន់ខ្សោយ ហើយ ប្រជាជន កម្ពុជាភាគច្រើន បានយក ឪកាស ឈប់សម្រាក ដើម្បីពិនិត្យ សុខភាពផង និងធ្វើដំណើរ កម្សាន្តផង នៅវៀតណាម ។

លោក ងួន សេរ័ត្ន នាយកគ្រប់គ្រងវេបសាយសុខភាពwww.health.com.kh និយាយថានិន្នាការបែបនេះបញ្ជាក់អំពីភាពចាំបាច់ដែលកម្ពុជាត្រូវតែពង្រឹងវិស័យសុខាភិបាលអោយបានរឹងមាំជាងនេះដើម្បីធ្វើអោយប្រជាជនកម្ពុជាមានទំនុកចិត្តហើយប្រើប្រាស់សេវាក្នុងប្រទេស។ការគិតគូរអំពីគុណភាពនិងការកសាងទំនុកចិត្តជារឿងដ៏សំខាន់បំផុតដើម្បីធ្វើយ៉ាងណាអោយប្រជាជនជឿជាក់ថាពួកគេគួរតែប្រើសេវាសុខភាពនៅក្នុងប្រទេស។
លោកក៏និយាយដែរថាប្រជាជនកម្ពុជាក៏គួរតែគិតថាការប្រើប្រាស់សេវាខាងក្រៅប្រទេសគួរតែជាជម្រើសចុងក្រោយ។ នៅកម្ពុជាក៏មានគ្រូពេទ្យខ្លះដែលមានសមត្តភាពខ្ពស់ដែរ។ម្យ៉ាងទៀតនោះ គ្រូពេទ្យបរទេសក៏មិនមែនជានិច្ចកាលសុទ្ឋតែមានសមត្ថភាពជាងគ្រូពេទ្យកម្ពុជាដែរ។

មានករណីខ្លះអ្នកជំងឺត្រូវបានបញ្ជូនត្រឡប់វិញពីបរទេសដោយសារតែគេមិនអាចមើលជាក៏មាន។អ្នកខ្លះបានចំណាយលុយ ច្រើនហើយត្រឡប់មកវិញដោយអស់សង្ឃឹមក៏មាន៕

Social Icons

Pages

Tuesday, April 16, 2013Print PDF