ហ៊ុន សែន ឈ្មួញសង្រ្គាម៖ មូលហេតុនៃការដោះលែងពួកអាវលឿងថៃ

រដ្ឋាភិបាល ហ៊ុន សែន បានចេញសេចក្តីថ្លែងការកាលពីថ្ងៃព្រហស្បតិ៍ទី ១០ ខែមករា ថានឹងធ្វើការកាត់បន្ថយទោសសកម្មជនអាវលឿងថៃពីនាក់ និងឈានទៅរកការដោះលែងជាស្ថាពរនៅក្នុងព្រះពិធីថ្វាយព្រះភ្លើង ដល់ ព្រះសពសម្តេចតានាដើមខែកម្ភៈខាងមុខ។ អ្នកទាំងពីគឺ វ៉េរ៉ា សុំខ្វាមឃីត និងរ៉ាទ្រី ដែលបានចាប់ខ្លួនកាលពីថ្ងៃទី២៩ ខែធ្នូរ ឆ្នាំ២០១០កន្លងមក។

មូលហេតុនៃការដោះលែងគឺងាយយល់ទេ គឺឲ្យពួកអាវលឿងទាំងនេះបង្កបញ្ហាទៀត ព្រោះជិតដល់ពេលបោះឆ្នោតជាតិហើយ។ យើងគ្រប់គ្នាដឹងហើយថា ជំលោះប្រាសាទព្រះវិហារគឺផ្តើមចេញភាពល្ងង់របស់ ហ៊ុន សែន និងពីថាក់ ស៊ីន មិត្តភ័ក្រ្តរបស់ហ៊ុន សែន កាលពីឆ្នាំ២០០៦ និងក្លាយជាទំនាស់ផ្លូវការនៅឆ្នាំ២០០៧ នៅកិច្ចប្រជុំយូណេស្កូប្រទេស ញូហ្ស៊ាឡែន និងបន្តមកជាការបះទង្គិចអាវុធក្នុងរដ្ឋាភិបាលបក្ស ថាក់ ស៊ីន នៅឆ្នាំ២០០៨ និងបន្តមក អាប៊ីស៊ីត។ ហើយពួកអាវលឿងនេះ ចាប់កំរើកកាន់តែខ្លាំង ជាពិសេសមនុស្សឈ្មោះ វ៉េរ៉ានេះឯង ជាមេរោគ ម្នាក់ផងដែរ បន្ទាប់ពី ថាក់ ស៊ីន។

អ្នកទាំងអស់គ្នាដឹងហើយពេលនេះការបោះឆ្នោតជាតិខ្មែរជិតមកដល់ ហើយពួកអាវលឿងចាប់ផ្តើមដើរតវ៉ាទៀត ហើយ ៗបើម្នាក់នេះត្រឡប់ មកវិញ គឺរឿងរ៉ាវនឹងកាន់តែក្តៅ។ បើរឿងកាន់តែក្តៅ ទ័ពនិងមាន ហេតុផលបង្កជាសង្រ្គាម បើមានសង្រ្គាម ប្រជាជនខ្មែរជាអ្នកខាត ហើយ ហ៊ុន សែន នឹងចំណេញ ថៃនឹងចំណេញ។

នេះជាផែនការណ៍ក្នុងរឿងនេះ ព្រោះបក្សប្រជាជនគ្មានអ្វីទាក់ទាញ ការគាំ ទ្រពីប្រជាជនជាងរឿង ៧មករា និងសង្រ្គាមបោកប្រាស់នេះទេ។

វាជារឿងអស់សំណើច ដែលអ្នកគាំទ្រហ៊ុន សែន ហៅហ៊ុន សែនថាឆ្លាត និងបុរសខ្លាំងទៅកើត ព្រោះសម្តេចតាទាមទារយកប្រាសាទ ព្រះវិហារ បាន ពីថៃដោយមិនប្រើគ្រាប់កាំភ្លើងសូម្បីតែមួយគ្រាប់ រីឯហ៊ុន សែន វិញ គ្រាន់តែ ចុះបញ្ជីប្រសាទព្រះវិហារជាបេតិកភ័ណ្ឌពិភពលោក បាញ់គ្នាប្រាវ ខ្មែរស្លាប់ រាប់នាក់ វេទនា អស់ផ្ទះសំបែងមិនតិច និងខាតសេដ្ឋកិច្ចជាតិមិនស្ទើរ។
.............................

ដោយ៖ ខែ្មរ សុវណ្ណភូមិ