មកដល់សម័យដ៏ទំនើប នេះហើយប្រទេសកម្ពុជា នៅមិនទាន់ដើរចូលដល់ទីលាន នៃកិត្តិយសនៅឡើយទេ

មកដល់សម័យដ៏ទំនើប នេះហើយប្រទេសកម្ពុជា នៅមិនទាន់ដើរចូលដល់ទីលាន នៃកិត្តិយសនៅឡើយទេ ទោះជាពីរបីទសវត្សរ៍ចុងក្រោយនេះ គេសង្កេតឃើញមានដុះដាលព្រោងព្រាតនូវហេដ្ឋារចនាសម្ព័ន្ធល្អៗរួម និងសេដ្ឋកិច្ច ដែលកំពុងតែលូតលាស់ជាបណ្តើរៗហើយក៏ដោយ។

រាស្ត្រ មានភ្នែកមើលឃើញរូបភាពនេះ តែសង្គមខ្មែរទាំងមូល នៅគ្រប់ជនបទ គ្រប់ទីកន្លែងភូមិស្រុកខេត្តខណ្ឌ រាស្ត្រខ្មែរភាគច្រើនជាទូទៅ មានការញញើតញញើម រអើលខ្នង ក្នុងការនិយាយបូរបាច់ពីអារម្មណ៍មួហ្មងរបស់ពួកគេ ដែលទាក់ទងដល់ការរិះគន់រាជរដ្ឋាភិបាលខ្មែរបច្ចុប្បន្ន។ ការខ្លាចរអាយ៉ាងនេះ ជាការបាត់បង់ភាពសឿងបឿង និងកិត្តិយស រស់ក្នុងភាពជា«មនុស្ស» នាសម័យទំនើប នៃជនជាតិខ្មែរ ហើយក៏ជាការបាត់បង់កិត្តិយស ចំពោះ«ពូជសាសន៍ខ្មែរ»ដែលធ្លាប់មាន អរិយធម៌ខ្ពស់កេរ្តិ៍ឈ្មោះល្អរុងរឿងកាលពីព្រេងនាយ ក្នុងតំបន់អាស៊ីអាគ្នេយ៍។ កលិយុគ ក្នុងស្រុកទេស ក៏បានកន្លងហួសទៅ តែបន្សល់ទុកនូវអនុស្សាវរីយ៍ មហាគ្រោតគ្រាត ជូរចត់ ក្នុងអារម្មណ៍យើងរាល...