Print 
PDF
ប្រភពពីកាសែតឌឹខេមបូឌាដេលី
បានអោយដឹងថា សភាអឺរុបបានស្នើអោយរដ្ឋាភិបាលកម្ពុជា
បញ្ឈប់នូវការជម្លៀសប្រជាជនដោយបង្ខំ ចេញពីលំនៅដ្ឋាន
ដោយធ្វើការអំពាវនាវអោយគណកម្មការសហគមន៍អឺរុបស៊ើបអង្កេតទៅលើការ
គោលនយោបាយដីសម្បទានសេដ្ឋកិច្ចដ៏ចំរូងចំរាស់និងជំរុញអោយ
មានការប្រើទណ្ឌកម្មទៅលើប្រទេសនេះ។ប្រភពបានអោយដឹងថា សភាអឺរុប បានអនុម័តនូវដំណោះស្រាយនោះនៅទីក្រុងប្រ៊ុសសែល ប្រទេសបែលហ្ស៊ិក កាលពីថ្ងៃសុក្រ ដោយបានថ្កោលទោសរដ្ឋាភិបាលកម្ពុជាទៅលើឃាដកម្មធំៗពីរកាល ពីខែមេសា និងខែឧសភាទៅលើសកម្មជនព្រៃឈើ លោក ឈុត វុឌ្ឍី នៅខេត្តកោះកុង និងក្មេងស្រីហេង ចន្ថា អាយុ១៤ ឆ្នាំ នៅខេត្តក្រចេះ និងសំណុំរឿងនៅក្នុងតុលាការ ព្រមទាំងបានជំរុញអោយ រដ្ឋាភិបាលកម្ពុជា អោយបំពេញនូវចំណុចខ្វះចន្លោះក្នុងដំណើរការបោះឆ្នោតរបស់ប្រទេស នេះ។
គេនៅមិនទាន់ឃើញមានប្រតិកម្មតបរបស់រាជរដ្ឋភិបាលកម្ពុជានៅ ឡើយទេ ប៉ុន្តែកាលពីថ្ងៃសៅរ៏កន្លងទៅនេះ លោកនាយករដ្ឋមន្រ្តី ហ៊ុន សែន បានព្រមានអាជ្ញាធរនៅខេត្តកំពង់ធំ និងអ្នកមានអំណាចដែលកាន់កាប់ដីរបស់ប្រជាពលរដ្ឋនៅទីនោះថា ពួកគេមិនត្រូវយកឈ្មោះលោក និងភរិយារបស់លោកទៅចាប់យកដីទេ ហើយបានបញ្ជាអោយពួកគេដកខ្លួនថយជាបន្ទាន់ ព្រោះថាដីនោះត្រូវយកទៅធ្វើការ បែកចែកដល់ប្រជាពលរដ្ឋដែលគ្មានដីតាំងទីលំនៅ៕
0 comments:
Post a Comment