ស្លាប់នៅម៉ាឡេស៊ីក្តៅៗនៅឡើយ ឥឡូវបញ្ជូននារីខ្មែរទៅ ធ្វើខ្ញុំគេនៅសាំងហ្កាពួរទៀតហើយ

Chea Phalla - Tortured Cambodian maid in Malaysia (Photo: The Phnom Penh Post)

កម្ពុជា អាច​ក្លាយជា​ប្រទេសផ្គត់ផ្គង់អ្នកធ្វើការ​តាម​ផ្ទះនៅ​សិង្ហបុរី​

 ថ្ងៃទី 24 កញ្ញា 2012

By Borosrath

ភ្នំពេញ: ប្រទេស​សិង្ហបុរី កំពុងតែ​ចរចា​ជាមួយ​កម្ពុជា ដើម្បី​បញ្ជូន​អ្នកបម្រើ​កម្ពុជាទៅ​ជួយ​ធ្វើការ​តាម​ផ្ទះនៅ​ទីក្រុង​សិង្ហបុរី ដើម្បី​ជំនួស​ការខ្វះខាតមនុស្ស​មកពី​ឥណ្ឌូណេស៊ី​។​
​ក្រសួង​កម្លាំង​ពលកម្មនៃ​ប្រទេស​សិង្ហបុរី កំពុងតែ​ពិនិត្យដើម្បី​ធ្វើឲ្យ​ប្រទេស​កម្ពុជា ក្លាយទៅជា​ប្រភព​ស្របច្បាប់ សម្រាប់​ផ្គត់​ផ្គត់​អ្នកបម្រើ​តាម​ផ្ទះ​នៅ​ក្រុង​សិង្ហបុរី​។ ការសម្រេចចិត្ត ត្រូវគេ​រំពឹងថានឹងធ្វើ​នៅពេល​ឆាប់ៗខាងមុខនេះ​។​
​សារព័ត៌មាន​ដឺ​ស្តេត​ថែម​ស៍ បាន​រាយការណ៍​នៅ​ថ្ងៃទី​២៣​ខែកញ្ញា​ថា ​ប្រធាន​សមាគម​ភ្នាក់ងារ​ផ្គត់ផ្គង់​កម្មករ លោកស្រី សា យ៉ា​ប្រេ​ម៉ា កំពុងតែធ្វើ​កិច្ចការ​នេះជាមួយ​ក្រសួង​កម្លាំង​ពលកម្ម​សិង្ហបុរី និង​រដ្ឋាភិបាល​កម្ពុជា ​ដើម្បី​ធ្វើយ៉ាងណាឲ្យ​ប្រទេស​នេះក្លាយជា​ប្រភពដ៏​ស្របច្បាប់សម្រាប់​ការផ្គត់ផ្គង់​អ្នកធ្វើការ​តាម​ផ្ទះ​។​

​ប្រទេស​ដែល​ផ្គត់ផ្គង់​អ្នកធ្វើការ​តាម​ផ្ទះ​នៅ​សិង្ហបុរី​បច្ចុប្បន្ន​រួមមាន​ប្រទេស​បង់​ក្លា​ដេ​ស ហុងកុង ឥណ្ឌា ឥណ្ឌូណេស៊ី ម៉ា​កាវ ម៉ាឡេស៊ី ហ្វីលីពីន ​ភូមា កូរ៉េខាងត្បូង ស្រីលង្កា តៃវ៉ាន់ និង​ថៃ​។​
​ជនបរទេស ២០៦០០០​នាក់ ធ្វើការ​តាម​ផ្ទះនៅ​សិង្ហបុរី បច្ចុប្បន្នភាគច្រើន គឺ​មកពី​ឥណ្ឌូណេស៊ី និង ហ្វីលីពីន​៕