Print 
PDFប្រភពប្រជាពលរដ្ឋពីខេត្តភាគពាយ័ព្យប្រទេសឲ្យដឹងថា ភាគច្រើននៃពលរដ្ឋខ្មែរដែលត្រូវបានបាញ់សម្លាប់ក្នុងសំណុំរឿង កាប់ឈើ គឺជាករណី ពាលស៊ីពាល រវាងទាហានថៃ និង ខ្មែរ ។ ពោលគឺទាហានខ្មែរ-ថៃ បានបើកដៃផ្ដល់សញ្ញាភ្លើងខៀវឲ្យដល់ក្រុមអ្នកកាប់ឈើទាំងនោះ ហើយក្រោយមកគេក៏ស្ទាក់ចាំប្លន់ឈើនោះ យកវិញ ។ គេឲ្យដឹងថា មានមន្រ្តីយោធាខ្មែរខ្លះ ដែលប្រចាំការនៅតាមព្រំដែនខ្មែរ-ថៃ គឺជាឈ្មួញកណ្ដាល ឬ ជាដៃជើង របស់ឈ្មួញឈើធំៗ ដែលនៅចាំទទួលទិញក្នុងផ្ទៃប្រទេស តាមរយៈពលករជាបុរសវ័យក្មេងៗដែលត្រូវបានអូសទាញ ដោយពួកមេខ្យល់ ។ ហើយដោយមានទំនាក់ទំនងជាផលប្រយោជន៏ ក្រុមទានថៃ បានបើកដៃ ឲ្យពលរដ្ឋខ្មែរ ដែលមកពីគ្រួសារក្រីក្រទាំងនោះ ចូលកាប់ឈើក្នុងទឹកដីរបស់ខ្លួន លុះកាប់ឈើបានគេក៏ស្ទាក់ប្លន់យកវិញ ដោយប្រើប្រាសអ្នកផ្សេង ហើយករណីតឹងតែងខ្លះ បានឈានទៅដល់ការបាញ់ប្រហារ ជាមួយការចោទពលរដ្ឋខ្មែរទាំងនោះថា បានឆ្លងដែនចូលលួចកាប់ឈើក្នុងទឹកដីថៃខុសច្បាប់ ។ ចំណែកទាហានខ្មែរខ្លះ ក៏ធ្វើសកម្មភាពដូចនេះដែរ បើសិនជាអ្នកកាប់ឈើទាំងនោះ មិនចេញពីប្រភពជាមួយគ្នា ឬ មិនស្ថិតនៅក្រោមអ្នកបញ្ជាទិញតែមួយនោះ ។
សេចក្ដីរាយការណ៏នេះ បានកើតឡើង បន្ទាប់ពីមានការផ្សព្វផ្សាយជាសាធារណៈ ដោយប្រព័ន្ធផ្សព្វផ្សាយនាពេលកន្លងមកដែលថា ពួកមេទាហានគ្រាក់ៗ ប្រចាំការនៅតាមព្រំដែនខ្មែរ-ថៃ ពាក់ព័ន្ធនឹងជំនួញឈើខុសច្បាប់ ហើយពេលខ្លះ បានពើបប្រទះគ្នាដោយអាវុធ ជាមួយពួកមេព្រៃ ដែលចាំល្បាតស្ទាក់ចាប់ឈើទៀត ផង ។
ជុំវិញបញ្ហានេះ ម្ដងហើយម្ដងទៀត ក្រសួងការបរទេស ក៏ដូចជានាយករដ្ឋមន្ត្រីខ្មែរ បានចេញមុខមកប្រកាសដោយផ្ទាល់ ហាមពលរដ្ឋខ្មែរ មិនឲ្យធ្វើការឆ្លងដែនដោយខុសច្បាប់ ជាអ្វីដែលត្រូវគេមើលឃើញថា ជាភាសាល្អមួយដើម្បីបញ្ចៀសពីការបាញ់សម្លាប់តាមរបៀបឆៅៗ , ប៉ុន្តែដោយភាពក្រីក្រ ការយលដឹងនៅមានកម្រិត និង ដុំលុយ ដែលបានពីឈឺប្រណិតទាំងនោះ មិនបានធ្វើឲ្យពលរដ្ឋខ្មែរ រាថយចំពោះរបរ ដែលយកជីវិតទៅប្ដូរនេះឡើយ ។
មួយវិញទៀតតាមការកត់សម្គាល់គេហាក់ដូចជា មិនឃើញរដ្ឋាភិបាលមានឆន្ទៈច្បាស់លាស់ទេក្នុងការទប់ស្កាត់ សកម្មភាពកាប់បំផ្លាញព្រៃឈើដ៏រាលដាល បើទោះបីកាលពីប៉ុន្មានឆ្នាំមុន មេដឹកនាំរដ្ឋាភិបាលនេះ បានធ្វើការប្រកាសសច្ចា រហូតដល់ឲ្យកាត់ ក កាត់ក្បាលក្ដី បើសិនជាខ្លួនមិនអាចធ្វើការប្រឆាំងទប់ស្កាត់ចំពោះបទល្មើស ព្រៃឈើបាននោះ ។ កន្លងទៅក្នុងយុទ្ធនាការដ៏គ្រគ្រឹកគ្រេង ប្រឆាំងពួកអ្នកកាប់ឈើខុសច្បាប់ ខណៈដែលប្រទេសខ្មែរស្ទើរតែក្លាយទៅជាទីវាលរហោស្ថានទៅហើយនេះ ក៏ពុំមានកូនក្រាញ់កូនក្រឹម នៃពួកឧក្រិដ្ឋជនព្រៃឈើណាត្រូវបានគេនាំខ្លួនយកមកធ្វើការ ផ្ដន្ទាទោសតាមច្បាប់ដែរ ។
លើសពីនេះទៀត រហូតមកដល់ថ្ងៃនេះ ការដឹកឈើប្រណិតខុសច្បាប់គ្រប់រូបភាព មានទាំងតាមគោយន្ត ឡានទំនើបស៊េរីខ្ពស់ៗ ឡានយោធា ឡានពេទ្យ ហើយពេលខ្លះ ឆ្លៀតប្រើប្រាសឡានសេរ៉ែន របស់គណៈប្រតិភូទៀត ត្រូវបានក្រុមសមត្ថកិច្ចចាប់ ឃាត់បានជាបន្តបន្ទាប់ ។ ប៉ុន្តែគេមិនដែលឃើញ ជនល្មើស ត្រូវបាន គេនាំខ្លួន យកទៅតុលាការឡើយ ក្រៅតែពីកសិករក្រីក្រទន់ខ្សោយ ។ដូចជានៅខេត្តកំពង់ធំកាលពីឆ្នាំទៅមិញ បុរសពីរនាក់ ត្រូវបានតុលាការកាត់ឲ្យជាប់ ពន្ធនាគាររហូតដល់២ឆ្នាំ ខណៈដែលគាត់បានដឹកកូនឈើតូចៗ យកមកធ្វើទ្រើង សណ្ដែក ទ្រើង ត្រសក់ ដោយបានចោទពួកគាត់ថា កាប់បំផ្លាញព្រៃឈើក្នុងដែនការពារ អភិរក្សរបស់រដ្ឋ ។
ផ្ទុយទៅវិញ ឈើប្រណិត ដែលត្រូវក្រុមសមត្ថកិច្ចចាប់បានពីឈ្មួញ ដែលក្រុមអ្នកកាន់ចង្កូតឡាន ដឹកឈើគេច ភាគច្រើនជាកូនអ្នកក្រ ត្រូវបានពួកអ្នកធំៗ នៃ ក្រុមសមត្ថកិច្ច យកទៅហែកចែកគ្នា ធ្វើផ្ទះគ្មានសល់ ។ ហើយនៅចុងក្រោយ តាមរយៈសេចក្ដីសម្រេចមួយរបស់នាយករដ្ឋមន្ត្រីកាលពីខែកុម្ភៈ ក្នុង ឆ្នាំ ២០១២ នេះ បានបង្គាប់ឲ្យសមត្ថកិច្ច ប្រមូលឈើប្រណិត ៥រយម៉ែត្រគូប យកទៅសាងសង់សារមន្ទីរបស់គណបក្សប្រជាជននៅក្នុងខេត្ត ព្រៃវែង ។ ដែលនេះផ្ដើមឲ្យមានការចោទជាសំនួរយ៉ាងចម្រូងចម្រាសថា រដ្ឋាភិបាលបានចាត់ទុកពួកអ្នកបំផ្លាញព្រៃឈើថា ជាឧក្រិដ្ឋជន ចុះអ្នកដែលប្រើប្រាសកម្លាំង ទៅចាប់អ្នករកស៊ីឈើខុសច្បាប់ យកមកទុកជាប្រយោជន៏ខ្លួនឯង អាហ្នឹងយ៉ាងម៉េចទៅវិញដែរ ? បើយ៉ាងនេះ ពួកមេដឹកនាំរដ្ឋាភិបាលនៃ គណបក្សប្រជាជន មានអ្វីល្អជាងពួកឧក្រិដ្ឋជន ព្រៃឈើទៅ ?
ហើយត្រឡប់មកវិញ វាកាន់តែធ្វើឲ្យគេមើលឃើញជាសាធារណៈថា គឺរដ្ឋាភិបាលខ្លួនឯងតែម្ដងជាអ្នកនៅពីក្រោយបទឧក្រិដ្ឋ ព្រៃឈើដ៏មហន្តរាយនេះ ។ ដែលបើតាមពួកអ្នកមាត់ដាចខ្លះថា ក្នុងសំណុំរឿងព្រៃឈើនេះ រដ្ឋាភិបាលគឺជាចោរ ដែលស្រែកឲ្យគេចាប់ចោរ ប្រមូលរបស់ទ្រព្យដែលចោរលួចបានមកឲ្យខ្លួន ។
ប៉ុន្តែយ៉ាងណាក៏ដោយ គំនរឈើប្រណិតទាំងនោះ គឺកើតឡើងពីតំណក់ញើស និង តំណក់ឈាម របស់ពលរដ្ឋខ្មែរក្រីក្រសុទ្ធសាធ ដែលគេបានយកជីវិតទៅពាំង ទៅប្ដូរ ដើម្បី បានឈើ ។ ដូច្នេះ ការដែលពូកអ្នកធំៗ ក្នុងរដ្ឋាភិបាល យកឈើទាំងនោះ ទៅបំពាក់ផ្ទះវីឡារបស់ខ្លួន ដើម្បីឲ្យគេមើលឃើញ ស្ញប់ស្ញែង នោះ គឺជារឿងល្ងង់ខ្លៅពេកហើយ ។ ល្ងង់ខ្លៅត្រង់ថា គឺបានបង្ហាញឲ្យគេឃើញជាសាធារណៈថា ពួកគេជាមេចោរធំ ជាឧក្រិដ្ឋជនកាប់បំផ្លាញព្រៃឈើខ្មែរ ។ ម្យ៉ាងទៀត តាមជំនឿរបស់ជនជាតិខ្មែរយើង ឈើដែលប្រឡាកប្រឡូកដោយឈាមទាំងនោះ យកទៅធ្វើផ្ទះ នឹង មិនផ្ដល់សេចក្ដីសុខសាន្តឡើយ ។ ព្រោះវិញ្ញាណក្ខន្ធ អ្នកស្លាប់ប្រាកដជានៅវិលវុលតាមរករឿង ជេប្រទិចផ្ដាសារ ធ្វើឲ្យក្តៅក្រហាយវិនាស អន្តរធានជាក់ជាមិនខាន ។
ចំណែកការប៉ងថា នឹងយកទៅធ្វើជាសារមន្ទីរ របស់បក្សកាន់អំណាចនៅក្នុងខេត្ត ព្រៃវែងនោះក៏ដូច្នេះដែរ ។ គឺប្រាកដជាធ្វើឲ្យសារមន្ទីរនេះ ក្លាយទៅជាទីកាន់ទុក្ខនៃរាស្រ្តខ្មែរ ដែល បានស្លាប់ ដោយសារបុព្វ ហេតុ នៃការកាប់ព្រៃឈើ ក៏ដូចជាវិនាសកម្មនៃ ព្រៃឈើខ្មែរ ដែលរហូតតាំងពីមាន៧៤ភាគរយនៃផ្ទៃដីប្រទេសកាលពីក្នុង ទសវត្សរ៏ទី៥០ មកនៅមិនដល់៣០ភាគរយ នាពេលនេះ ។
ដូច្នេះរដ្ឋាភិបាល ក៏ដូចជាពួកមន្រ្តីធំៗ ជាពិសេស ពួកមន្រ្តីយោធា គួរតែបញ្ឈប់ជាបន្ទាន់ល្បែងពាលស៊ីពាលក្នុងសំណុំរឿង ព្រៃឈើនេះ ហើយគួរតែប្រមូលឈើដែលរឹបអូសបានទាំងនោះ យកទៅធ្វើអ្វីម្យ៉ាង ដែលបំរើឲ្យជាតិ បំរើឲ្យ ផលប្រយោជន៏សម្រាប់ជនានុជនខ្មែរទូទៅវិញ ៕
សេចក្ដីរាយការណ៏នេះ បានកើតឡើង បន្ទាប់ពីមានការផ្សព្វផ្សាយជាសាធារណៈ ដោយប្រព័ន្ធផ្សព្វផ្សាយនាពេលកន្លងមកដែលថា ពួកមេទាហានគ្រាក់ៗ ប្រចាំការនៅតាមព្រំដែនខ្មែរ-ថៃ ពាក់ព័ន្ធនឹងជំនួញឈើខុសច្បាប់ ហើយពេលខ្លះ បានពើបប្រទះគ្នាដោយអាវុធ ជាមួយពួកមេព្រៃ ដែលចាំល្បាតស្ទាក់ចាប់ឈើទៀត ផង ។
ជុំវិញបញ្ហានេះ ម្ដងហើយម្ដងទៀត ក្រសួងការបរទេស ក៏ដូចជានាយករដ្ឋមន្ត្រីខ្មែរ បានចេញមុខមកប្រកាសដោយផ្ទាល់ ហាមពលរដ្ឋខ្មែរ មិនឲ្យធ្វើការឆ្លងដែនដោយខុសច្បាប់ ជាអ្វីដែលត្រូវគេមើលឃើញថា ជាភាសាល្អមួយដើម្បីបញ្ចៀសពីការបាញ់សម្លាប់តាមរបៀបឆៅៗ , ប៉ុន្តែដោយភាពក្រីក្រ ការយលដឹងនៅមានកម្រិត និង ដុំលុយ ដែលបានពីឈឺប្រណិតទាំងនោះ មិនបានធ្វើឲ្យពលរដ្ឋខ្មែរ រាថយចំពោះរបរ ដែលយកជីវិតទៅប្ដូរនេះឡើយ ។
មួយវិញទៀតតាមការកត់សម្គាល់គេហាក់ដូចជា មិនឃើញរដ្ឋាភិបាលមានឆន្ទៈច្បាស់លាស់ទេក្នុងការទប់ស្កាត់ សកម្មភាពកាប់បំផ្លាញព្រៃឈើដ៏រាលដាល បើទោះបីកាលពីប៉ុន្មានឆ្នាំមុន មេដឹកនាំរដ្ឋាភិបាលនេះ បានធ្វើការប្រកាសសច្ចា រហូតដល់ឲ្យកាត់ ក កាត់ក្បាលក្ដី បើសិនជាខ្លួនមិនអាចធ្វើការប្រឆាំងទប់ស្កាត់ចំពោះបទល្មើស ព្រៃឈើបាននោះ ។ កន្លងទៅក្នុងយុទ្ធនាការដ៏គ្រគ្រឹកគ្រេង ប្រឆាំងពួកអ្នកកាប់ឈើខុសច្បាប់ ខណៈដែលប្រទេសខ្មែរស្ទើរតែក្លាយទៅជាទីវាលរហោស្ថានទៅហើយនេះ ក៏ពុំមានកូនក្រាញ់កូនក្រឹម នៃពួកឧក្រិដ្ឋជនព្រៃឈើណាត្រូវបានគេនាំខ្លួនយកមកធ្វើការ ផ្ដន្ទាទោសតាមច្បាប់ដែរ ។
លើសពីនេះទៀត រហូតមកដល់ថ្ងៃនេះ ការដឹកឈើប្រណិតខុសច្បាប់គ្រប់រូបភាព មានទាំងតាមគោយន្ត ឡានទំនើបស៊េរីខ្ពស់ៗ ឡានយោធា ឡានពេទ្យ ហើយពេលខ្លះ ឆ្លៀតប្រើប្រាសឡានសេរ៉ែន របស់គណៈប្រតិភូទៀត ត្រូវបានក្រុមសមត្ថកិច្ចចាប់ ឃាត់បានជាបន្តបន្ទាប់ ។ ប៉ុន្តែគេមិនដែលឃើញ ជនល្មើស ត្រូវបាន គេនាំខ្លួន យកទៅតុលាការឡើយ ក្រៅតែពីកសិករក្រីក្រទន់ខ្សោយ ។ដូចជានៅខេត្តកំពង់ធំកាលពីឆ្នាំទៅមិញ បុរសពីរនាក់ ត្រូវបានតុលាការកាត់ឲ្យជាប់ ពន្ធនាគាររហូតដល់២ឆ្នាំ ខណៈដែលគាត់បានដឹកកូនឈើតូចៗ យកមកធ្វើទ្រើង សណ្ដែក ទ្រើង ត្រសក់ ដោយបានចោទពួកគាត់ថា កាប់បំផ្លាញព្រៃឈើក្នុងដែនការពារ អភិរក្សរបស់រដ្ឋ ។
ផ្ទុយទៅវិញ ឈើប្រណិត ដែលត្រូវក្រុមសមត្ថកិច្ចចាប់បានពីឈ្មួញ ដែលក្រុមអ្នកកាន់ចង្កូតឡាន ដឹកឈើគេច ភាគច្រើនជាកូនអ្នកក្រ ត្រូវបានពួកអ្នកធំៗ នៃ ក្រុមសមត្ថកិច្ច យកទៅហែកចែកគ្នា ធ្វើផ្ទះគ្មានសល់ ។ ហើយនៅចុងក្រោយ តាមរយៈសេចក្ដីសម្រេចមួយរបស់នាយករដ្ឋមន្ត្រីកាលពីខែកុម្ភៈ ក្នុង ឆ្នាំ ២០១២ នេះ បានបង្គាប់ឲ្យសមត្ថកិច្ច ប្រមូលឈើប្រណិត ៥រយម៉ែត្រគូប យកទៅសាងសង់សារមន្ទីរបស់គណបក្សប្រជាជននៅក្នុងខេត្ត ព្រៃវែង ។ ដែលនេះផ្ដើមឲ្យមានការចោទជាសំនួរយ៉ាងចម្រូងចម្រាសថា រដ្ឋាភិបាលបានចាត់ទុកពួកអ្នកបំផ្លាញព្រៃឈើថា ជាឧក្រិដ្ឋជន ចុះអ្នកដែលប្រើប្រាសកម្លាំង ទៅចាប់អ្នករកស៊ីឈើខុសច្បាប់ យកមកទុកជាប្រយោជន៏ខ្លួនឯង អាហ្នឹងយ៉ាងម៉េចទៅវិញដែរ ? បើយ៉ាងនេះ ពួកមេដឹកនាំរដ្ឋាភិបាលនៃ គណបក្សប្រជាជន មានអ្វីល្អជាងពួកឧក្រិដ្ឋជន ព្រៃឈើទៅ ?
ហើយត្រឡប់មកវិញ វាកាន់តែធ្វើឲ្យគេមើលឃើញជាសាធារណៈថា គឺរដ្ឋាភិបាលខ្លួនឯងតែម្ដងជាអ្នកនៅពីក្រោយបទឧក្រិដ្ឋ ព្រៃឈើដ៏មហន្តរាយនេះ ។ ដែលបើតាមពួកអ្នកមាត់ដាចខ្លះថា ក្នុងសំណុំរឿងព្រៃឈើនេះ រដ្ឋាភិបាលគឺជាចោរ ដែលស្រែកឲ្យគេចាប់ចោរ ប្រមូលរបស់ទ្រព្យដែលចោរលួចបានមកឲ្យខ្លួន ។
ប៉ុន្តែយ៉ាងណាក៏ដោយ គំនរឈើប្រណិតទាំងនោះ គឺកើតឡើងពីតំណក់ញើស និង តំណក់ឈាម របស់ពលរដ្ឋខ្មែរក្រីក្រសុទ្ធសាធ ដែលគេបានយកជីវិតទៅពាំង ទៅប្ដូរ ដើម្បី បានឈើ ។ ដូច្នេះ ការដែលពូកអ្នកធំៗ ក្នុងរដ្ឋាភិបាល យកឈើទាំងនោះ ទៅបំពាក់ផ្ទះវីឡារបស់ខ្លួន ដើម្បីឲ្យគេមើលឃើញ ស្ញប់ស្ញែង នោះ គឺជារឿងល្ងង់ខ្លៅពេកហើយ ។ ល្ងង់ខ្លៅត្រង់ថា គឺបានបង្ហាញឲ្យគេឃើញជាសាធារណៈថា ពួកគេជាមេចោរធំ ជាឧក្រិដ្ឋជនកាប់បំផ្លាញព្រៃឈើខ្មែរ ។ ម្យ៉ាងទៀត តាមជំនឿរបស់ជនជាតិខ្មែរយើង ឈើដែលប្រឡាកប្រឡូកដោយឈាមទាំងនោះ យកទៅធ្វើផ្ទះ នឹង មិនផ្ដល់សេចក្ដីសុខសាន្តឡើយ ។ ព្រោះវិញ្ញាណក្ខន្ធ អ្នកស្លាប់ប្រាកដជានៅវិលវុលតាមរករឿង ជេប្រទិចផ្ដាសារ ធ្វើឲ្យក្តៅក្រហាយវិនាស អន្តរធានជាក់ជាមិនខាន ។
ចំណែកការប៉ងថា នឹងយកទៅធ្វើជាសារមន្ទីរ របស់បក្សកាន់អំណាចនៅក្នុងខេត្ត ព្រៃវែងនោះក៏ដូច្នេះដែរ ។ គឺប្រាកដជាធ្វើឲ្យសារមន្ទីរនេះ ក្លាយទៅជាទីកាន់ទុក្ខនៃរាស្រ្តខ្មែរ ដែល បានស្លាប់ ដោយសារបុព្វ ហេតុ នៃការកាប់ព្រៃឈើ ក៏ដូចជាវិនាសកម្មនៃ ព្រៃឈើខ្មែរ ដែលរហូតតាំងពីមាន៧៤ភាគរយនៃផ្ទៃដីប្រទេសកាលពីក្នុង ទសវត្សរ៏ទី៥០ មកនៅមិនដល់៣០ភាគរយ នាពេលនេះ ។
ដូច្នេះរដ្ឋាភិបាល ក៏ដូចជាពួកមន្រ្តីធំៗ ជាពិសេស ពួកមន្រ្តីយោធា គួរតែបញ្ឈប់ជាបន្ទាន់ល្បែងពាលស៊ីពាលក្នុងសំណុំរឿង ព្រៃឈើនេះ ហើយគួរតែប្រមូលឈើដែលរឹបអូសបានទាំងនោះ យកទៅធ្វើអ្វីម្យ៉ាង ដែលបំរើឲ្យជាតិ បំរើឲ្យ ផលប្រយោជន៏សម្រាប់ជនានុជនខ្មែរទូទៅវិញ ៕
0 comments:
Post a Comment