Print 
PDF
ភ្នំពេញ ៖ មន្ត្រីយោធាផ្កាយ២ជាមួយនឹងបក្ខពួករបស់គាត់ដែលជាប់ពាក់ព័ន្ធនឹងជំនួញគ្រឿងញៀនដ៏ស្មុគស្មាញត្រូវបានបញ្ជូនមកកាន់តុលាការរាជធានីភ្នំពេញកាលពីថ្ងៃកាលពីព្រឹកថ្ងៃទី២៨ ខែសីហាឆ្នាំ២០១២ដោយភ្ជាប់ជាមួយនឹងវត្ថុតាងជាគ្រឿងញៀនប្រមាណជិត១០គីឡូក្រាមរួមនឹងសម្ភារៈពាក់ព័ន្ធមកជាមួយផង។
ទោះបីសមត្ថកិច្ចនៃមន្ទីរប្រឆាំងគ្រឿងញៀនក្រសួងមហាផ្ទៃបញ្ជូនជនជាប់ចោទមកតុលាការក្ដី ប៉ុន្តែការរុករកជនបរទេស និង បក្ខពួកដទៃទៀតៗទៀតកំពុងធ្វើយ៉ាងសកម្មក្នុងគោលបំណងកម្ទេចឫសគល់នៃបទល្មើសមួយករណីនេះឲ្យផុតរលត់។
ទោះបីសមត្ថកិច្ចនៃមន្ទីរប្រឆាំងគ្រឿងញៀនក្រសួងមហាផ្ទៃបញ្ជូនជនជាប់ចោទមកតុលាការក្ដី ប៉ុន្តែការរុករកជនបរទេស និង បក្ខពួកដទៃទៀតៗទៀតកំពុងធ្វើយ៉ាងសកម្មក្នុងគោលបំណងកម្ទេចឫសគល់នៃបទល្មើសមួយករណីនេះឲ្យផុតរលត់។
លោកឧត្តមសេនីយ៍ទោចាន់ ឫទ្ធីឌី មន្ត្រីយោធាជាន់ខ្ពស់នៃកងទ័ពជើងគោកមុនពេលចាប់ខ្លួនស្នាក់នៅផ្ទះលេខ៤៤ ភូមិអូរអណ្ដូង សង្កាត់ព្រែកប្រា ខណ្ឌមានជ័យ ត្រូវបានដាក់ខ្នោះដៃ និងពាក់មួកបិទបាំងមុខមាត់អមដោយមន្ត្រីនគរបាលប្រឆាំងគ្រឿងញៀននាំខ្លួនឡើងតុលាការ។ ឈ្មោះ ឌៀប ស៊ុនឡាយ ភេទប្រុស អាយុ៥១ឆ្នាំជាឈ្មួញដ៏សំខាន់ម្នាក់ដេលនាំចូលគ្រឿងញៀនពីព្រំដែនឡាវមកលក់ឲ្យលោកផ្កាយ២ ចាន់ ឫទ្ធីឌី ក៏ត្រូវបានដាក់ខ្នោះផងដែរ លើកលែងតែឈ្មោះ ញែម សុខា ភេទស្រីអាយុ៤៩ឆ្នាំ ជាប្រពន្ធរបស់ឈ្មោះ ឌៀប ស៊ុនឡាយ មិនត្រូវបានដាក់ខ្នោះទេ តែមានកន្សែងពោះគោបាំងមុខ។ ទាំង២នាក់ប្ដីប្រពន្ធនេះស្នាក់នៅផ្ទះលេខ៨១ ផ្លូវ២០០៤ វត្តអង្គតាម៉ិញ ភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ។
ចំណែកឈ្មោះ លឿង ឈុនលី ភេទប្រុស អាយុ២៦ឆ្នាំ មានតួនាទីជាអង្គរក្សជាអ្នកបើកបររថយន្តឲ្យក្រុមគ្រួសារលោក ចាន់ ឫទ្ធញីឌី ក៏ត្រូវបានដាក់ខ្នោះបញ្ជូនមកជាមួយផងដែរ។
លោក គឺ ប៊ុណ្ណារ៉ា ព្រះរាជអាជ្ញារងអមតុលាការរាជធានីភ្នំពេញដែលដឹកនាំនគរបាលបំពេញបេសកកម្មបង្ក្រាបករណីជួញដូរគ្រឿងញៀនខាងលើនេះត្រូវបានចាត់ឲ្យកាន់សំណុំរឿងសួរចម្លើយជនសង្ស័យតាមនីតិវិធីច្បាប់ ប៉ុន្តែការសម្រេចចោទប្រកាន់យ៉ាងណាទៅលើក្រុមទាំង៤នាក់នៅមិនទាន់មានជាផ្លូវការនៅឡើយដោយសារតែសួរចម្លើយមិនទាន់ចប់នៅល្ងាចថ្ងៃទី ២៨ខែសីហា ឆ្នាំ២០១២។
គួររំលឹកថា កាលពីថ្ងៃទី២៤ ខែសីហា ឆ្នាំ២០១២ សមត្ថកិច្ចមន្ទីរប្រឆាំងគ្រឿងញៀនក្រោមការដឹកនាំរបស់តំណាងអយ្យការអមតុលាការរាជធានីភ្នំពេញ បានសម្រុកចូលឆែកឆេរលំនៅដ្ឋានដ៏ស្កឹមស្កៃរបស់លោកឧត្ដមសេនីយ៍ទោ ចាន់ ឫទ្ធីឌី នៅក្នុងភូមិអូរអណ្ដូង សង្កាត់ព្រែកប្រា ខណ្ឌមានជ័យ ហើយក៏មានការចាប់ខ្លួនលោក ចាន់ ឫទ្ធីឌី អង្គរក្សរបស់គាត់ ជាមួយនឹងគ្រឿងញៀនប្រមាណជាង៤ម៉ឺនគ្រាប់។
ក្នុងនោះមានម៉ាទឹកកក ថ្នាំញៀនប្រភេទWY-ATSមេតំហ្វេតាមីន ម៉ាទឹកកកទម្ងន់៩៨៨,៩ក្រាម WY-ATSទម្ងន់ចំនួនជាង៤ម៉ឺនគ្រាប់។
ក្រោយពីការចាប់ខ្លួននិងរឹបអូសវត្ថុតាងប្រព្រឹត្តិបទល្មើសដ៏គួរឲ្យស្អប់ខ្ពើមនេះឈ្មោះ ចាន់ ឫទ្ធីឌី ក៏បានសារភាពពីការធ្វើចរាចរណ៍គ្រឿងញៀនរបស់បក្ខពួកខ្លួនជាមួយនឹងជនជាតិឡាវមកពីព្រំដែនឡាវទើបសមត្ថកិច្ចឈានទៅចាប់ខ្លួនឈ្មោះ ឌៀប ស៊ុយឡាយ និងឈ្មោះ ញែម សុខា នៅក្នុងសង្កាត់កាកាប ខណ្ឌពោធិ៍សែនជ័យដោយរឹបអូសបានគ្រឿងញៀនជាង៤ម៉ឺនគីឡូក្រាមថែមទៀត៕
0 comments:
Post a Comment