Print 
PDF
លោក សូ សាហុង អធិការរងស្រុក ក្រវាញបានថ្លែងកាលពីថ្ងៃម្សិលមិញថា ជនរងគ្រោះបានស្លាប់ឈ្មោះ ជា សុន ភេទស្រី អាយុ ៧៨ឆ្នាំ ខណៈដែលអ្នកទទួលរងអាការៈរាគរូស និងក្អួតចង្អោរ៤នាក់ទៀតដែលត្រូវជាចៅ និងកូន ត្រូវបានបញ្ជូនទៅ សង្គ្រោះនៅមន្ទីរពេទ្យខេត្តពោធិ៍សាត់ ក្រោយពីពួកគេបានទទួលទានមីឆុងទឹកក្តៅ។
លោកបានថ្លែងបញ្ជាក់ថា៖« យើងមិនទាន់ដឹងច្បាស់ថា ពួកគាត់ពុលដោយសារតែមីនោះ ឫក៏បណ្តាលមកពីទឹក ខណៈដែលយើងបានប្រមែប្រមូលមីទាំងអស់ដែលនៅសេសសល់ និងទឹកមួយចំនួនបញ្ជូនទៅឲ្យមន្ទីរសុខាភិបាលខេត្តធ្វើការពិនិត្យ រកមើលមូលហេតុពិតប្រាកដ»។
ទោះយ៉ាងណាក្តី លោក ខ្លឹម សុឃួន ប្រធានមន្ទីរសុខាភិបាលខេត្តបានថ្លែងថា នៅមិនទាន់បានទទួលលទ្ធផលនៅឡើយទេ ដោយក្រុមបចេ្ចកទេសកំពុងពិនិត្យមើល។ លោកបានថ្លែងថា៖« វាប្រហែលជាអាចបណ្តាលមកពីទឹកក្រខ្វក់ និងកង្វះអនាម័យច្រើនជាង»។
0 comments:
Post a Comment