Print 
PDF
អាជ្ញាធររដ្ឋាភិបាលបណ្តេញប្រជាពលរដ្ឋក្នុងរឿងជម្លោះដីធ្លី នៅក្រចេះ បណ្តាលឲ្យស្លាប់ក្មេងស្រីម្នាក់
©ម៉េងហួរ
កម្លាំងប្រដាប់អាវុធប្រមាណ ១.០០០ នាក់បានបើកប្រតិបត្តិការចូលបណ្តេញក្រុមអ្នកទាមទារដីធ្លីនៅតំបន់កំពង់ដំរី ស្រុកឆ្លូង ខេត្តក្រចេះ កាលពីព្រឹកថ្ងៃទី ១៦ ឧសភានេះ។ ហេតុការណ៍នោះ សមត្ថកិច្ចរដ្ឋាភិបាលបានបាញ់ប្រហារ បណ្ដាលឲ្យក្មេងស្រីម្នាក់ អាយុ ១៤ ឆ្នាំស្លាប់ភ្លាមៗ នៅនឹងកន្លែងកើតហេតុ។ អ្នកស្រុកជាច្រើននាក់ផ្សេងទៀតត្រូវចាប់ខ្លួន។ សមត្ថកិច្ចរដ្ឋាភិបាល អះអាងថា ក្រុមប្រជាពលរដ្ឋប្រមាណ ១.០០០ គ្រួសារបានចូលទៅកាន់កាប់ដី ដោយខុសច្បាប់ និងមានបំណងបង្កើតតំបន់អបគមន៍។
យ៉ាងហោចណាស់ មានក្មេងស្រីម្នាក់ អាយុ ១៤ ឆ្នាំ ឈ្មោះ ហេង ចន្ថា បានស្លាប់ ដោយត្រូវគ្រាប់កាំភ្លើងចំដើមទ្រូង ខណៈពេលដែលកម្លាំងប្រដាប់អាវុធចម្រុះ ដឹកនាំដោយគណៈកម្មការរដ្ឋាភិបាល ចុះបង្ក្រាប និងបណ្តេញប្រជាពលរដ្ឋ ក្នុងជម្លោះដីធ្លី នៅឃុំកំពង់ដំរី ស្រុកឆ្លូង ខេត្តក្រចេះ កាលពីព្រឹកមិញ។ ប្រជាពលរដ្ឋប្រមាណ ៣០ នាក់ត្រូវបានចាប់ខ្លួន និងមួយចំនួនទៀត បានរត់ភៀសខ្លួន។ នៅរសៀលថ្ងៃទី១៦ ខែឧសភា ឆ្នាំ២០១២ អ្នកនាំពាក្យក្រសួងមហាផ្ទៃបានចេញសេចក្ដីថ្លែងការណ៍ ដើម្បីការពារចំពោះសកម្មភាពរបស់សមត្ថកិច្ចចម្រុះរដ្ឋាភិបាល ដែលបានបង្ក្រាបលើប្រជាពលរដ្ឋ ក្រោមហេតុផលថា ក្រុមប្រជាពលរដ្ឋចង់បង្កើតតំបន់អបគមន៍។
សេចក្តីថ្លែងការណ៍របស់អ្នកនាំពាក្យក្រសួងមហាផ្ទៃបានលើកឡើងថា ក្រុមប្រជាពលរដ្ឋនោះ ជាក្រុមអនាធិបតេយ្យដែលដឹកនាំដោយឈ្មោះ ប៊ុន រដ្ឋា ជាមេក្លោងបានប្រព្រឹត្តល្មើសច្បាប់រដ្ឋធម្មនុញ្ញ និងច្បាប់នានាជាធរមាននៃព្រះរាជាណាចក្រកម្ពុជា ក្រោមស្លាក សមាគមអ្នកប្រជាធិបតេយ្យ។ ក្រុមប្រជាពលរដ្ឋទាំងនោះក៏ធ្លាប់បានធ្វើបាតុកម្មបិទផ្លូវជាតិជាច្រើនលើក និងចាប់ខ្លួនយោធា ២ នាក់ បង្ខាំងទុក និងបានដកហូតកាំភ្លើងពីយោធានោះ ព្រមទាំងកេណ្ឌប្រជាពលរដ្ឋដើម្បីបង្កើតភូមិថ្មី ជាដើម។
សេចក្ដីថ្លែងការណ៍បានលើកឡើងថា រាល់ទង្វើល្មើសច្បាប់ដែលពួកមេក្លោងអនាធិបតេយ្យបាននិងកំពុងប្រព្រឹត្ត គឺជាការប្រឆាំងនឹងតួនាទីអាជ្ញាធររដ្ឋដែលកើតចេញពីការបោះឆ្នោតតាមគោលការណ៍នៃលទ្ធិប្រជាធិបតេយ្យ ហើយនេះ គឺជាការប៉ុនប៉ងដើម្បីឈានទៅបង្កើតតំបន់អបគមន៍។ អ្នកនាំពាក្យក្រសួងមហាផ្ទៃបានបញ្ជាក់ថា ស្ថានភាពខាងលើនេះបានចាប់បង្ខំឲ្យរាជរដ្ឋាភិបាលចាំបាច់ត្រូវប្រើប្រាស់វិធានការស្របច្បាប់ ដើម្បីឈានទៅគ្រប់គ្រងរដ្ឋបាលនៅតំបន់នោះឡើងវិញ។ សេចក្ដីថ្លែងការណ៍ក៏បានលើកឡើងផងដែរថា នៅព្រឹកថ្ងៃទី១៦ ខែឧសភា ឆ្នាំ២០១២ កម្លាំងសមត្ថកិច្ចរបស់រដ្ឋាភិបាលបានបើកប្រតិបត្តិការចូលទៅគ្រប់គ្រងតំបន់នោះដោយជោគជ័យ ហើយកំពុងបន្តស្វែងរកចាប់ខ្លួនមេក្លោងអនាធិបតេយ្យចំនួន ៥នាក់ដែលមកពីខេត្តកំពង់ចាម រួមទាំងឈ្មោះ ប៊ុនរដ្ឋា។
យ៉ាងណាក៏ដោយ ក្រុមសកម្មជនអង្គការសង្គមស៊ីវិលដែលបានចុះទៅកាន់កន្លែងកើតហេតុនៅខេត្តក្រចេះបានលើកឡើងថា ការបង្ក្រាបរបស់សមត្ថកិច្ចលើប្រជាពលរដ្ឋនោះ កើតឡើងដោយសារតែជម្លោះដីធ្លីដ៏រ៉ាំរ៉ៃ រវាងប្រជាពលរដ្ឋ និងក្រុមហ៊ុនឯកជនដែលទទួលបានដីសម្បទានពីរដ្ឋាភិបាល។
លោក អំ សំអាត សកម្មជនសិទ្ធិមនុស្សលីកាដូបានច្រានចោលនូវហេតុផលរបស់អាជ្ញាធរដែលថា ប្រជាពលរដ្ឋចូលកាន់កាប់ដីជម្លោះ ហើយបង្កើតជាតំបន់អបគមន៍ក្នុងសម័យនេះ។ ហេតុផលដូចគ្នានេះត្រូវបានរដ្ឋាភិបាលប្រើប្រាស់ដើម្បីបណ្តេញប្រជាពលរដ្ឋនៅឯខេត្តកំពត កាលពីប៉ុន្មានឆ្នាំមុន។ លោក អំ សំអាត បានជំរុញឲ្យរដ្ឋាភិបាលដោះស្រាយបញ្ហាដីធ្លី ដោយសន្តិវិធី និងស្វែងរកមុខជនដៃដល់ដែលបានបាញ់សម្លាប់ក្មេងស្រីក្នុងព្រឹត្តិការណ៍បង្ក្រាបប្រជាពលរដ្ឋនៅព្រឹកមិញ។
គណបក្សសមរង្ស៊ីក៏បានចេញសេចក្តីថ្លែងការណ៍ថ្កោលទោសយ៉ាងខ្លាំង ចំពោះការបាញ់ប្រហារយ៉ាងឃោរឃៅលើប្រជាពលរដ្ឋស្លូតត្រង់រាប់រយនាក់ និងអំពាវនាវឲ្យអាជ្ញាធរមានសមត្ថកិច្ច និងរដ្ឋាភិបាលបញ្ឈប់ការប្រើអំពើហិង្សា ព្រមទាំងចាប់ជនដៃដល់ និងអ្នកបញ្ជាពីក្រោយខ្នងមកផ្តន្ទាទោស តាមច្បាប់ជាបន្ទាន់។
អ្នកនាំពាក្យនគរបាលជាតិ លោកឧត្តមសេនីយ៍ឯក គៀត ចន្ទថារិទ្ធ បានបង្វែរសំណួរទៅកាន់អ្នកនាំពាក្យក្រសួងមហាផ្ទៃ លោកឧត្តមសេនីយ៍ឯក ខៀវ សុភ័ក្ត្រ ដែលបានបដិសេធមិនធ្វើអត្ថាធិប្បាយអ្វីឡើយ ជុំវិញព្រឹត្តិការណ៍នៅខេត្តក្រចេះ នាព្រឹកថ្ងៃនេះ៕
សេចក្តីថ្លែងការណ៍របស់អ្នកនាំពាក្យក្រសួងមហាផ្ទៃបានលើកឡើងថា ក្រុមប្រជាពលរដ្ឋនោះ ជាក្រុមអនាធិបតេយ្យដែលដឹកនាំដោយឈ្មោះ ប៊ុន រដ្ឋា ជាមេក្លោងបានប្រព្រឹត្តល្មើសច្បាប់រដ្ឋធម្មនុញ្ញ និងច្បាប់នានាជាធរមាននៃព្រះរាជាណាចក្រកម្ពុជា ក្រោមស្លាក សមាគមអ្នកប្រជាធិបតេយ្យ។ ក្រុមប្រជាពលរដ្ឋទាំងនោះក៏ធ្លាប់បានធ្វើបាតុកម្មបិទផ្លូវជាតិជាច្រើនលើក និងចាប់ខ្លួនយោធា ២ នាក់ បង្ខាំងទុក និងបានដកហូតកាំភ្លើងពីយោធានោះ ព្រមទាំងកេណ្ឌប្រជាពលរដ្ឋដើម្បីបង្កើតភូមិថ្មី ជាដើម។
សេចក្ដីថ្លែងការណ៍បានលើកឡើងថា រាល់ទង្វើល្មើសច្បាប់ដែលពួកមេក្លោងអនាធិបតេយ្យបាននិងកំពុងប្រព្រឹត្ត គឺជាការប្រឆាំងនឹងតួនាទីអាជ្ញាធររដ្ឋដែលកើតចេញពីការបោះឆ្នោតតាមគោលការណ៍នៃលទ្ធិប្រជាធិបតេយ្យ ហើយនេះ គឺជាការប៉ុនប៉ងដើម្បីឈានទៅបង្កើតតំបន់អបគមន៍។ អ្នកនាំពាក្យក្រសួងមហាផ្ទៃបានបញ្ជាក់ថា ស្ថានភាពខាងលើនេះបានចាប់បង្ខំឲ្យរាជរដ្ឋាភិបាលចាំបាច់ត្រូវប្រើប្រាស់វិធានការស្របច្បាប់ ដើម្បីឈានទៅគ្រប់គ្រងរដ្ឋបាលនៅតំបន់នោះឡើងវិញ។ សេចក្ដីថ្លែងការណ៍ក៏បានលើកឡើងផងដែរថា នៅព្រឹកថ្ងៃទី១៦ ខែឧសភា ឆ្នាំ២០១២ កម្លាំងសមត្ថកិច្ចរបស់រដ្ឋាភិបាលបានបើកប្រតិបត្តិការចូលទៅគ្រប់គ្រងតំបន់នោះដោយជោគជ័យ ហើយកំពុងបន្តស្វែងរកចាប់ខ្លួនមេក្លោងអនាធិបតេយ្យចំនួន ៥នាក់ដែលមកពីខេត្តកំពង់ចាម រួមទាំងឈ្មោះ ប៊ុនរដ្ឋា។
យ៉ាងណាក៏ដោយ ក្រុមសកម្មជនអង្គការសង្គមស៊ីវិលដែលបានចុះទៅកាន់កន្លែងកើតហេតុនៅខេត្តក្រចេះបានលើកឡើងថា ការបង្ក្រាបរបស់សមត្ថកិច្ចលើប្រជាពលរដ្ឋនោះ កើតឡើងដោយសារតែជម្លោះដីធ្លីដ៏រ៉ាំរ៉ៃ រវាងប្រជាពលរដ្ឋ និងក្រុមហ៊ុនឯកជនដែលទទួលបានដីសម្បទានពីរដ្ឋាភិបាល។
លោក អំ សំអាត សកម្មជនសិទ្ធិមនុស្សលីកាដូបានច្រានចោលនូវហេតុផលរបស់អាជ្ញាធរដែលថា ប្រជាពលរដ្ឋចូលកាន់កាប់ដីជម្លោះ ហើយបង្កើតជាតំបន់អបគមន៍ក្នុងសម័យនេះ។ ហេតុផលដូចគ្នានេះត្រូវបានរដ្ឋាភិបាលប្រើប្រាស់ដើម្បីបណ្តេញប្រជាពលរដ្ឋនៅឯខេត្តកំពត កាលពីប៉ុន្មានឆ្នាំមុន។ លោក អំ សំអាត បានជំរុញឲ្យរដ្ឋាភិបាលដោះស្រាយបញ្ហាដីធ្លី ដោយសន្តិវិធី និងស្វែងរកមុខជនដៃដល់ដែលបានបាញ់សម្លាប់ក្មេងស្រីក្នុងព្រឹត្តិការណ៍បង្ក្រាបប្រជាពលរដ្ឋនៅព្រឹកមិញ។
គណបក្សសមរង្ស៊ីក៏បានចេញសេចក្តីថ្លែងការណ៍ថ្កោលទោសយ៉ាងខ្លាំង ចំពោះការបាញ់ប្រហារយ៉ាងឃោរឃៅលើប្រជាពលរដ្ឋស្លូតត្រង់រាប់រយនាក់ និងអំពាវនាវឲ្យអាជ្ញាធរមានសមត្ថកិច្ច និងរដ្ឋាភិបាលបញ្ឈប់ការប្រើអំពើហិង្សា ព្រមទាំងចាប់ជនដៃដល់ និងអ្នកបញ្ជាពីក្រោយខ្នងមកផ្តន្ទាទោស តាមច្បាប់ជាបន្ទាន់។
អ្នកនាំពាក្យនគរបាលជាតិ លោកឧត្តមសេនីយ៍ឯក គៀត ចន្ទថារិទ្ធ បានបង្វែរសំណួរទៅកាន់អ្នកនាំពាក្យក្រសួងមហាផ្ទៃ លោកឧត្តមសេនីយ៍ឯក ខៀវ សុភ័ក្ត្រ ដែលបានបដិសេធមិនធ្វើអត្ថាធិប្បាយអ្វីឡើយ ជុំវិញព្រឹត្តិការណ៍នៅខេត្តក្រចេះ នាព្រឹកថ្ងៃនេះ៕
0 comments:
Post a Comment