បារាំង​មាន​រដ្ឋាភិបាល​ថ្មី

រដ្ឋាភិបាល​បារំាង​ថ្មី​ដឹកនាំ​ដោយ​លោក​នាយករដ្ឋមន្រ្តី​Jean-Marc Ayrault

ដោយ តាន់ ហ្សង់-ហ្វ្រង់ស្វ័រ

នៅល្ងាច​ថ្ងៃ​ពុធ ទី ១៦ ឧសភា ម្សិលមិញ គេ​បាន​ដឹង​ជា​ផ្លូវការ​សមាសភាព​ចម្រុះ​នៃ​រដ្ឋាភិបាល​បារាំង​ថ្មី។ ជា​លើក​ទីមួយ ក្នុង​ប្រទេស​បារាំង ដែល​រដ្ឋាភិបាល​តែងតាំង​ដោយ​លោក​ប្រធានាធិបតី​François Hollande មាន​លក្ខណៈ​ជិនឌ័រ ព្រោះ​ក្នុង​ចំណោម​រដ្ឋមន្រ្តី​ទាំង​៣៤​ដែល​ជ្រើសរើស​ដោយ​លោក​នាយក​រដ្ឋមន្រ្តី Jean-Marc Ayrault មាន​១៧នាក់ (ចំនួនពាក់កណ្តាល) ជាស្រ្តី។ រដ្ឋាភិបាល​ថ្មី​ត្រូវ​បើកកិច្ច​ប្រជុំ​លើក​ដំបូង នៅថ្ងៃ​ព្រហស្បតិ៍នេះ។ តាម​ លោក​នាយក​រដ្ឋមន្រ្តី Jean-Marc Ayrault របៀប​វារៈ​សំខាន់ ដែល​គណៈរដ្ឋមន្រ្តី​ដែល​ត្រូវ​លើកមក​និយាយ នៅថ្ងៃ​នេះ គឺ​ការកាត់បន្ថយ​ប្រាក់ខែ​៣០​ភាគរយ​លើ​គ្រប់​រដ្ឋមន្រ្តី នាយករដ្ឋមន្រ្តី រួម​ទាំង​ប្រាក់ខែ​របស់​លោក​ប្រធានាធិបតីផង។