Print 
PDFដោយ ៖ ម៉ែវ សាធីថ្ងៃទី 22 ឧសភា 2012ម៉ោង 09:59:16
កាលពីថ្ងៃទី២១ខែឧសភា រដ្ឋាភិបាលចិនបានថ្កោលទោសការអនុម័តរបស់ សភាអាមេរិកលក់យន្ដហោះចម្បាំង៦៦គ្រឿងឱ្យទៅកោះតៃវ៉ាន់ គឺជាសកម្មភាពជ្រៀតជ្រែកផ្ទៃក្នុងរបស់រដ្ឋាភិបាលចិន ។
រដ្ឋសភាអាមេរិកកាលពីសប្ដាហ៍កន្លងមកបានបោះឆ្នោតឯកភាពជំរុញឱ្យរដ្ឋា ភិបាលរបស់ប្រធានាធិបតី បារ៉ាក់អូបាម៉ា ឯកភាពលើការលក់យន្ដហោះចម្បាំង F-16 ឱ្យកោះតៃវ៉ាន់ក្នុងគោលដៅកាត់ បន្ថយគម្លាតយោធារវាងចិនដីគោកនិង កោះតៃវ៉ាន់ ។ កន្លងមកអាមេរិកបាន ឯកភាពកែលំអ ជួសជុលឡើងវិញនូវយន្ដហោះចម្បាំងទាំងឡាយរបស់កោះ តៃវ៉ាន់ដែលមានតម្លៃប្រមាណ៦ពាន់លានដុល្លារ ។
ប្រតិកម្មទៅលើសកម្មភាពទាំងនោះអ្នកនាំពាក្យក្រសួងការបរទេសចិនលោក ហុង លី កាលពីថ្ងៃទី២១ខែឧសភា បានប្រកាសថា សកម្មភាពទាំងនោះរបស់ អាមេរិក គឺបានជ្រៀតជ្រែកចូលផ្ទៃក្នុងរបស់ចិន ហើយចិនប្រឆាំងយ៉ាងដាច់ អហង្កានូវកិច្ចព្រមព្រៀងលក់យន្ដហោះចម្បាំងទាំងនោះ ។
រយៈពេលកន្លងមក ចិនបានថ្កោលទោសដោយបើកចំហដល់គម្រោងជួស ជុលយន្ដហោះចម្បាំងឱ្យកោះតៃវ៉ាន់ ប៉ុន្ដែភាគីអាមេរិកមិនបានមើលឃើញសកម្ម ភាពតបតណាមួយតឹងតែងពីភាគីចិនដូចពេលមុនៗនោះឡើយ ។
ការសម្រេចលក់យន្ដហោះឱ្យកោះ តៃវ៉ាន់នោះនឹងធ្វើឱ្យទំនាក់ទំនងរវាង អាមេរិកនឹងចិនដីគោកកាន់តែតានតឹង ថែមទៀតខណៈដែលទំនាក់ទំនងយោធា ប្រទេសទាំងពីរមិនទាន់មានសញ្ញាល្អប្រសើរនៅឡើយនោះ ៕
0 comments:
Post a Comment