Print 
PDFដោយ ដែន អយុធ្យា
2012-05-14
មន្ត្រីជាន់ខ្ពស់គណបក្ស សម រង្ស៊ី ចោទលោកនាយករដ្ឋមន្ត្រី ហ៊ុន សែន ថា បានរំលោភរដ្ឋធម្មនុញ្ញនៃព្រះរាជាណាចក្រកម្ពុជា ព្រោះគេចមិនចូលខ្លួនមកឆ្លើយបំភ្លឺចំពោះមុខរដ្ឋសភា។
តំណាងរាស្រ្ដគណបក្ស សម រង្ស៊ី លោក សុន ឆ័យ
លោក សុន ឆ័យ ជាប្រធានក្រុមអ្នកតំណាងរាស្ត្រគណបក្ស សម រង្ស៊ី។ លោកឲ្យដឹងនៅថ្ងៃទី១៤ ខែឧសភា ដោយចោទលោកនាយករដ្ឋមន្ត្រី ហ៊ុន សែន ថា បានរំលោភរដ្ឋធម្មនុញ្ញ ព្រោះលោក ហ៊ុន សែន មិនបានឆ្លើយបំភ្លឺលើបញ្ហាទាក់ទងកិច្ចប្រជុំអាស៊ាន វិនាសកម្មព្រៃឈើ និងការរំលោភដីធ្លីពលរដ្ឋក្រីក្រជាដើម ដែលសមាជិកសភាពរបស់គណបក្ស សម រង្ស៊ី ស្នើកន្លងមក។
បន្ថែមលើនេះ មន្ត្រីបក្សប្រឆាំងរូបនេះក៏ចោទប្រធានរដ្ឋសភា លោក ហេង សំរិន ថា មិនបានបញ្ជូនសំណួរសមាជិកសភារបស់ខ្លួន ដែលស្នើកោះហៅប្រមុខរដ្ឋាភិបាលទៅឆ្លើយបំភ្លឺក្នុងរដ្ឋសភាថែមទៀត។
លោក សុន ឆ័យ បានឲ្យដឹងថា ប៉ុន្មានថ្ងៃមកនេះលោកបានធ្វើលិខិតជាផ្លូវការហៅលោកនាយករដ្ឋមន្ត្រី ហ៊ុន សែន មកពន្យល់ពីកិច្ចប្រជុំអាស៊ាន វិនាសកម្មព្រៃឈើ និងបញ្ហាផ្សេងៗទៀត ដែលកើតមានក្នុងប្រទេសកម្ពុជា ព្រោះលោក ហ៊ុន សែន ជាអ្នកទទួលខុសត្រូវ ប៉ុន្តែភាគតិចបានឆ្លើយបំភ្លឺ។
លោក សុន ឆ័យ អ្នកតំណាងរាស្ត្រ ឬសមាជិកសភា មានសិទ្ធស្របច្បាប់តាមមាត្រា ៩៦ នៃរដ្ឋធម្មនុញ្ញ ដើម្បីកោះអញ្ជើញឲ្យប្រមុខដឹកនាំ ឬរដ្ឋមន្ត្រីតាមក្រសួងមកបំភ្លឺបញ្ហាមិនប្រក្រតី ដែលកើតមាននៅទូទាំងប្រទេស។
ឆ្លើយតបបញ្ហានេះ លោក ផៃ ស៊ីផាន រដ្ឋលេខាធិការ និងជាមន្ត្រីនាំពាក្យទីស្ដីការគណៈរដ្ឋមន្ត្រី បានច្រានចោលពាក្យចោទរបស់មន្ត្រីបក្សប្រឆាំង ដោយលោកអះអាងថា ប្រមុខដឹកនាំរដ្ឋាភិបាលសព្វថ្ងៃមិនធ្វេសប្រហែសចំពោះលិខិត ឬសំណើបក្សប្រឆាំងទេ។ លោកបន្តថា មានសំណើមន្ត្រីបក្សប្រឆាំងជាង ៩០ភាគរយ ត្រូវបានប្រមុខដឹកនាំបកស្រាយក្នុងអាណត្តិទី៤ នៃរដ្ឋសភា។ លោកបានចាត់ទុកការចោទរបស់មន្ត្រីបក្ស សម រង្ស៊ី ធ្វើឡើងដោយមិនបានទទួលព័ត៌មានគ្រប់ជ្រុងជ្រោយទេ។
លោកសង្កត់ធ្ងន់ថា រាជរដ្ឋាភិបាលក្រោមការដឹកនាំរបស់លោក ហ៊ុន សែន គឺបានចេញបទបញ្ជាទៅមន្ត្រីពាក់ព័ន្ធឲ្យចាត់វិធានការពង្រឹង និងបង្កើនប្រសិទ្ធភាពនៃការគ្រប់គ្រងដីសម្បទានសេដ្ឋកិច្ច និងការទប់ស្កាត់ការបំផ្លាញព្រៃឈើជាដើម។
ទោះជាបែបនេះក្ដី លោក សុន ឆ័យ បានឲ្យដឹងថា កាលពីឆ្នាំ២០១១ ក្នុងចំណោមលិខិត ឬសំណើរបស់សមាជិកបក្សប្រឆាំង ដែលបានស្នើឲ្យលោកនាយករដ្ឋមន្ត្រី ហ៊ុន សែន ឆ្លើយបំភ្លឺលើបញ្ហាជាតិធំៗជាង ១៥០ករណី មានបញ្ហាបោះបង្គោលព្រំដែនជាមួយវៀតណាម ជាដើម ប៉ុន្តែប្រមុខរដ្ឋាភិបាលមកឆ្លើយបំភ្លឺមិនបាន ៥០ភាគរយផងទេ ពិសេសការឆ្លើយតបរបស់លោក ហ៊ុន សែន តាមរបៀបបញ្ឈឺ និងយឺតយ៉ាវ មិនស្របតាមរដ្ឋធម្មនុញ្ញនោះទេ។
លោក សុន ឆ័យ បានរំលឹកឲ្យលោក ហ៊ុន សែន ចងចាំសេចក្ដីប្រកាសរបស់ខ្លួនកន្លងមក ដែលប្រកាសថា បើអ្នកណារំលោភរដ្ឋធម្មនុញ្ញគាត់កម្ទេចចោល ត្រូវអនុវត្តឲ្យមានប្រសិទ្ធភាព និងអនុវត្តខ្លួនឯងផង។
ទោះយ៉ាងណាលោក ផៃ ស៊ីផាន មន្ត្រីនាំពាក្យទីស្ដីការគណៈរដ្ឋមន្ត្រី បញ្ជាក់ថា រដ្ឋធម្មនុញ្ញនៃព្រះរាជាណាចក្រកម្ពុជា បានកំណត់ថា នាយករដ្ឋមន្ត្រី ឬរដ្ឋមន្ត្រីអាចចូលបំភ្លឺរដ្ឋសភាផ្ទាល់មាត់ក៏បាន ឬឆ្លើយតបតាមរយៈលិខិតតបទៅនឹងសំណួររបស់ក្រុមអ្នកតំណាងរាស្ត្រក៏បាន៕
បន្ថែមលើនេះ មន្ត្រីបក្សប្រឆាំងរូបនេះក៏ចោទប្រធានរដ្ឋសភា លោក ហេង សំរិន ថា មិនបានបញ្ជូនសំណួរសមាជិកសភារបស់ខ្លួន ដែលស្នើកោះហៅប្រមុខរដ្ឋាភិបាលទៅឆ្លើយបំភ្លឺក្នុងរដ្ឋសភាថែមទៀត។
លោក សុន ឆ័យ បានឲ្យដឹងថា ប៉ុន្មានថ្ងៃមកនេះលោកបានធ្វើលិខិតជាផ្លូវការហៅលោកនាយករដ្ឋមន្ត្រី ហ៊ុន សែន មកពន្យល់ពីកិច្ចប្រជុំអាស៊ាន វិនាសកម្មព្រៃឈើ និងបញ្ហាផ្សេងៗទៀត ដែលកើតមានក្នុងប្រទេសកម្ពុជា ព្រោះលោក ហ៊ុន សែន ជាអ្នកទទួលខុសត្រូវ ប៉ុន្តែភាគតិចបានឆ្លើយបំភ្លឺ។
លោក សុន ឆ័យ អ្នកតំណាងរាស្ត្រ ឬសមាជិកសភា មានសិទ្ធស្របច្បាប់តាមមាត្រា ៩៦ នៃរដ្ឋធម្មនុញ្ញ ដើម្បីកោះអញ្ជើញឲ្យប្រមុខដឹកនាំ ឬរដ្ឋមន្ត្រីតាមក្រសួងមកបំភ្លឺបញ្ហាមិនប្រក្រតី ដែលកើតមាននៅទូទាំងប្រទេស។
ឆ្លើយតបបញ្ហានេះ លោក ផៃ ស៊ីផាន រដ្ឋលេខាធិការ និងជាមន្ត្រីនាំពាក្យទីស្ដីការគណៈរដ្ឋមន្ត្រី បានច្រានចោលពាក្យចោទរបស់មន្ត្រីបក្សប្រឆាំង ដោយលោកអះអាងថា ប្រមុខដឹកនាំរដ្ឋាភិបាលសព្វថ្ងៃមិនធ្វេសប្រហែសចំពោះលិខិត ឬសំណើបក្សប្រឆាំងទេ។ លោកបន្តថា មានសំណើមន្ត្រីបក្សប្រឆាំងជាង ៩០ភាគរយ ត្រូវបានប្រមុខដឹកនាំបកស្រាយក្នុងអាណត្តិទី៤ នៃរដ្ឋសភា។ លោកបានចាត់ទុកការចោទរបស់មន្ត្រីបក្ស សម រង្ស៊ី ធ្វើឡើងដោយមិនបានទទួលព័ត៌មានគ្រប់ជ្រុងជ្រោយទេ។
លោកសង្កត់ធ្ងន់ថា រាជរដ្ឋាភិបាលក្រោមការដឹកនាំរបស់លោក ហ៊ុន សែន គឺបានចេញបទបញ្ជាទៅមន្ត្រីពាក់ព័ន្ធឲ្យចាត់វិធានការពង្រឹង និងបង្កើនប្រសិទ្ធភាពនៃការគ្រប់គ្រងដីសម្បទានសេដ្ឋកិច្ច និងការទប់ស្កាត់ការបំផ្លាញព្រៃឈើជាដើម។
ទោះជាបែបនេះក្ដី លោក សុន ឆ័យ បានឲ្យដឹងថា កាលពីឆ្នាំ២០១១ ក្នុងចំណោមលិខិត ឬសំណើរបស់សមាជិកបក្សប្រឆាំង ដែលបានស្នើឲ្យលោកនាយករដ្ឋមន្ត្រី ហ៊ុន សែន ឆ្លើយបំភ្លឺលើបញ្ហាជាតិធំៗជាង ១៥០ករណី មានបញ្ហាបោះបង្គោលព្រំដែនជាមួយវៀតណាម ជាដើម ប៉ុន្តែប្រមុខរដ្ឋាភិបាលមកឆ្លើយបំភ្លឺមិនបាន ៥០ភាគរយផងទេ ពិសេសការឆ្លើយតបរបស់លោក ហ៊ុន សែន តាមរបៀបបញ្ឈឺ និងយឺតយ៉ាវ មិនស្របតាមរដ្ឋធម្មនុញ្ញនោះទេ។
លោក សុន ឆ័យ បានរំលឹកឲ្យលោក ហ៊ុន សែន ចងចាំសេចក្ដីប្រកាសរបស់ខ្លួនកន្លងមក ដែលប្រកាសថា បើអ្នកណារំលោភរដ្ឋធម្មនុញ្ញគាត់កម្ទេចចោល ត្រូវអនុវត្តឲ្យមានប្រសិទ្ធភាព និងអនុវត្តខ្លួនឯងផង។
ទោះយ៉ាងណាលោក ផៃ ស៊ីផាន មន្ត្រីនាំពាក្យទីស្ដីការគណៈរដ្ឋមន្ត្រី បញ្ជាក់ថា រដ្ឋធម្មនុញ្ញនៃព្រះរាជាណាចក្រកម្ពុជា បានកំណត់ថា នាយករដ្ឋមន្ត្រី ឬរដ្ឋមន្ត្រីអាចចូលបំភ្លឺរដ្ឋសភាផ្ទាល់មាត់ក៏បាន ឬឆ្លើយតបតាមរយៈលិខិតតបទៅនឹងសំណួររបស់ក្រុមអ្នកតំណាងរាស្ត្រក៏បាន៕
0 comments:
Post a Comment