Print 
PDF
ថៃ្ងទី ០១ ធ្នូរ ឆ្នាំ ២០១១ដោយ កាសែតក្នុងស្រុកខែ្មរ
កាលពីថៃ្ងទី ៣០ ខែ វិច្ឆាការ កន្លងទៅនេះ ប៉ូលីសថៃ ឲ្យដឹងថា គេបានកោះអញ្ជើញអតីតនាយករដ្ឋមន្រ្តី អាប់ភីស៊ីត ដើម្បីសាកសួរចម្លើយពីការស្លាប់ ក្នុងសកម្មភាពបង្ក្រាបបាតុករនៅបាងកក កាលពីឆ្នាំមុន។
គេក៏បានកោះអញ្ជើញលោក ស៊ូថេប អតីតឧបនាយករដ្ឋមន្រ្តីរបស់លោក អាប់ភីស៊ីត។ នេះជាលើកដំបូង ដែលលោក អាប់ភីស៊ីត ត្រូវបានកោះអញ្ជើញ ដើម្បីសាកសួរចម្លើយអំពីរបៀបដែលរដ្ឋាភិបាលរបស់លោកបានធ្វើ ដើម្បីដោះស្រាយបាតុកម្មពីឆ្នាំទៅមិញ គ្រាដែលប៉ូលីសបានបាញ់គ្រាប់ពិត ទៅលើតំបន់ដែលហ្វូងបាតុករក្រាញននាលនៅទីនោះ។
អតីតនាយករដ្ឋមន្រ្តី ស៊ូថេប ដែលពេលនោះ ទទួលបន្ទុកសន្តិសុខជាតិ ហើយក៏ជាអ្នកទទួលផ្ទាល់ការតាមដានសន្តិសុខពេញមួយយុទ្ធនាការបង្ក្រាប និងក៏ជាបុក្គលដែលត្រូវក្រុម “អាវក្រហម” ស្អប់ខ្ពើមបំផុត។
ឧត្តសេនីយ៍ទោ Vinai Thongsong នៃស្នងការបង្ក្រាបឧក្រិដ្ឋកម្មថៃ ពោលថាៈ ពួកអ្នកស៊ើបអង្កេតយើងខ្ញុំ បានទាក់ទងជាមួយលោក អាប់ភីស៊ីត និងលោក ស៊ូថេប ដើម្បីសាកសួរពួកគេ ក្នុងឋានៈជាសាក្សី។ វាជាផ្នែកមួយក្នុងការស៊ើបអង្កេតអំពីការស្លាប់របស់មនុស្ស ១៣នាក់ កាលពីបាតុកម្មឆ្នាំកន្លងមក។ ដំបូង យើងខ្ញុំកំណាត់ពេលចូលខ្លួនគឺ ថ្ងៃទី២១ ធ្នូ តែឥឡូវពេលវេលាសាកសួរ នឹងអាស្រ័យទៅលើការដែលពួកគេបានត្រៀមខ្លួនរួចហើយ ឬនៅ។
មានមនុស្សតិចបំផុត ៩០ នាក់ ដែលភាគច្រើន ជារាស្រ្តសាមញ្ញបានស្លាប់ និងមនុស្សជាង ១៩០០ នាក់ រងរបួស ក្នុងរយៈពេល ២ខែ ដែលថៃស្តិតក្នុងរលកហឹង្សា។ ដំណាក់កាលដ៏ខ្មៅងងិតនេះ ចាប់ផ្តើមពីមនុស្សប្រមាណ ១០០.០០០ នាក់ របស់ក្រមអាវក្រហម បានប្រមូលផ្តុំគ្នា ដើម្បីអំពាវនាវឲ្យមានការបោះឆ្នោត។
អង្គភាពស៊ើបអង្កេតពិសេសរបស់ក្រសួងយុត្តិធម៌ថៃ (DSI) កាលពីខែ កញ្ញា លើកឡើងថាៈ កងទ័ពរដ្ឋាភិបាល មានទាក់ទិនដល់ការស្លាប់របស់អ្នកថតរូបជនជាតិជប៉ុនម្នាក់ រួមជាមួយរាស្រ្តសាមញ្ញ ១២នាក់ ហើយបានបញ្ជូនឯកសារត្រលប់ឲ្យទៅប៉ូលីស បន្តការស៊ើបអង្កេត។ ក្រៅពីនោះ DSI ក៏កំពុងស៊ើបអង្កេត មូលហេតុពិតប្រាកដ ចំពោះមនុស្ស ៩០នាក់ ដែលបានស្លាប់។
មុននេះ ប៉ូលីសលើកឡើងថា ទាហានថៃ មិនពាក់ព័ន្ធ និងការស្លាប់របស់អ្នកថតរូប Hiroyuki Muramoto របស់ក្រុមហ៊ុន Reutures គ្រាដែលគាត់កំពុងផ្តិតយករូបភាពក្នុងការប៉ះទង្គិចរវាងកងទ័ព និងហ្វូងបាតុករ ក៏ដូចជាអ្នកថតរូបសេរីម្នាក់ ជនជាតិអ៊ីតាលីឈ្មោះ Fabio Plenghi។ព័ត៌មានថ្មីបំផុត ដែលឧបនាយករដ្ឋមន្រ្តីថៃ Chalerm Yubamrung ប្រកាសប្រាប់ឯកអគ្គរាជទូតជប៉ុននៅថៃ កាលពីម្សិលមិញ ឲ្យដឹងថា អ្នកស៊ើបអង្កេតថៃ មានភស្តុតាងគ្រប់គ្រាន់ច្បាស់លាស់ ដើម្បីអះអាងការស្លាប់របស់អ្នកថតរូបសញ្ជាតិជប៉ុននោះ គឺផ្តើមចេញពីសកម្មភាពរបស់ទាហានថៃ។ អង្គភាពស៊ើបអង្កេតបានរកឃើញទាំងសាក្សី និងភស្តុតាងកោសល្យវិច័យ៕
0 comments:
Post a Comment