តុលាការដោះលែងអ្នកភូមិបឹងកក់ ៤ នាក់ តែចោទប្រកាន់ពីបទជេរប្រមាថ និងរារាំងអាជ្ញាធរ

Home » Unlabelled » តុលាការដោះលែងអ្នកភូមិបឹងកក់ ៤ នាក់ តែចោទប្រកាន់ពីបទជេរប្រមាថ និងរារាំងអាជ្ញាធរ

Tuesday, November 29, 2011Print PDF

តុលាការដោះលែងអ្នកភូមិបឹងកក់ ៤ នាក់ តែចោទប្រកាន់ពីបទជេរប្រមាថ និងរារាំងអាជ្ញាធរ

តុលាការដោះលែងអ្នកភូមិបឹងកក់ ៤ នាក់ តែចោទប្រកាន់ពីបទជេរប្រមាថ និងរារាំងអាជ្ញាធរ

ដោយ វរមានជ័យ

ក្រោយពីចៅក្រមសាកសួរជាច្រើនម៉ោង ស្ត្រីអ្នកភូមិបឹងកក់ ៤ នាក់ ត្រូវបានដោះលែង កាលពីរសៀល ថ្ងៃទី២៩ វិច្ឆិកា ឆ្នាំ២០១១។ ក៏ប៉ុន្តែតុលាការ បានចោទប្រកាន់ស្ត្រីអ្នកតវ៉ា ដោយសារជម្លោះដី នៅបឹងកក់ទាំង ៤នាក់ ពីបទជេរប្រមាថ និងរារាំងប្រឆាំងអាជ្ញាធរ។ ជាបទចោទប្រកាន់ ដែលត្រូវផ្តន្ទាទោសតាមក្រមព្រហ្មទណ្ឌ ដោយដាក់ពន្ធនាគារពី ១ ថ្ងៃ ដល់ ៣ ខែ និងពិន័យជាប្រាក់ពី ១០០០ រៀល ដល់ ៥ សែនរៀល។

ទីបំផុតទៅ ចៅក្រមតុលាការក្រុងភ្នំពេញ បានសម្រេចដោះលែងស្ត្រីអ្នកភូមិបឹងកក់ ៤ នាក់ ឲ្យនៅក្រៅឃុំ តែត្រូវស្ថិតនៅក្រោមការត្រួតពិនិត្យរបស់តុលាការ។ ជាការសម្រេច ដែលបានធ្វើឡើង បន្ទាប់ពីការសាកសួរជាច្រើនម៉ោង នៅថ្ងៃទី២៩វិច្ឆិកានេះ។ ចៅក្រមក៏បានចោទប្រកាន់ស្ត្រីអ្នកតវ៉ាទាំង ៤ នាក់ ពីបទជេរប្រមាថមន្ត្រីសាធារណៈ តាមមាត្រា ៥០២ និងបទរារាំងប្រឆាំងការអនុវត្តរបស់អាជ្ញាធរ តាមមាត្រា ៥០៦ នៃក្រមព្រហ្មទណ្ឌ។
មាត្រា ៥០២ នៃច្បាប់ព្រហ្មទណ្ឌ កំណត់ពីបទប្រមាថលើមន្ត្រីសាធារណៈ ត្រូវផ្តន្ទាទោសដាក់ពន្ធនាគារពី ១ ថ្ងៃ ទៅ ៦ ថ្ងៃ និងពិន័យជាប្រាក់ពី ១០០០ រៀល ទៅ ១០០.០០០ រៀល។ ចំណែកមាត្រា ៥០៦ នៃច្បាប់ព្រហ្មទណ្ឌ បានកំណត់ពីបទប្រឆាំងនឹងការអនុវត្តការងារសាធារណៈ ត្រូវផ្តន្ទាទោសដាក់ពន្ធនាគារ ពី ១ ខែ ទៅ ៣ ខែ និងពិន័យជាប្រាក់ពី ១០០.០០០ រៀល ទៅ ៥០០.០០០ រៀល។

ស្ត្រីអ្នកភូមិបឹងកក់ ៤ នាក់នោះ ត្រូវប៉ូលិសក្រុងភ្នំពេញចាប់ខ្លួនជាបន្តបន្ទាប់ ក្នុងព្រឹត្តិការណ៍តវ៉ា កាលពីថ្ងៃទី២៨វិច្ឆិកា ឆ្នាំ២០១១។ អ្នកទាំង៤នោះ រួមមាន៖ អ្នកស្រី ទេព វន្នី អ្នកស្រី បូ ឆវី អ្នកស្រី ហេង មុំ និងអ្នកស្រី គង់ ចន្ថា។
តាមរបាយការណ៍របស់ប៉ូលិស ស្ត្រីអ្នកភូមិបឹងកក់ទាំង ៤ នាក់នោះ ត្រូវបានចោទប្រកាន់ពីបទបង្កភាពអនាធិបតេយ្យ បទជេរប្រមាថ និងប្រើអំពើហិង្សាលើសមត្ថកិច្ច ក្នុងព្រឹតិ្តការណ៍តវ៉ា កាលពីថ្ងៃទី២៨វិច្ឆិកា ឆ្នាំ២០១១។
ក្នុងពេលតុលាការសាកសួរស្ត្រីអ្នកបឹងកក់ទាំង ៤ នាក់ កាលពីព្រឹកថ្ងៃទី២៩វិច្ឆិកា ឆ្នាំ២០១១ ក្រុមអ្នកបឹងកក់ជាង ៥០ នាក់ ក៏បានប្រមូលផ្តុំ លុតជង្គង់ ស្រែកទ្រហោយំ លាន់ឮទ្រហឹងអឺងកង នៅមុខតុលាការសាលាដំបូងរាជធានីភ្នំពេញ។ ក្រុមអ្នកភូមិបឹងកក់ទាំងនោះ បានស្រែកទាមទារឲ្យតុលាការដោះលែងស្ត្រីទាំង៤នាក់

លោក អំ សំអាត ប្រធានក្រុមបច្ចេកទេសផ្នែកឃ្លាំមើល របស់អង្គការសិទ្ធិមនុស្ស លីកាដូ ដែលបានតាមដានករណីអ្នកភូមិបឹងកក់ បានលើកឡើងថា ការបង្ក្រាប និងចាប់ខ្លួនស្ត្រីអ្នកភូមិបឹងកក់ បញ្ជូនទៅតុលាការពេលនេះ មិនមែនជាការបញ្ចប់នូវវិបត្តិដីធ្លីដ៏រ៉ាំរ៉ៃនៅបឹងកក់នោះទេ។ ផ្ទុយទៅវិញទង្វើរបស់អាជ្ញាធរភ្នំពេញ ជាការរំលោភសិទ្ធិមនុស្ស និងប៉ះពាល់ដល់មុខមាត់ប្រទេសកម្ពុជា ដែលត្រូវធ្វើជាប្រធានអាស៊ាន នៅឆ្នាំ២០១២៕

0 comments:

Subscribe to: Post Comments (Atom)

សូមស្វាគមន៍មកកាន់គេហទំព័រ សម្លេងខ្មែរជាតិនិយម ។ សម្លេងខ្មែរជាតិនិយម និងផ្សព្វផ្សាយ នូវទស្សនៈនយោបាយពិតនៃសង្គម ដើម្បីជាកញ្ចក់សម្រាប់ប្រជាជាតិខ្មែរ យកទៅសិក្សា ស្វែងយល់អំពីបញ្ហាប្រទេសជាតិ ដែលដឹកនាំដោយជនផ្តាច់ការអាយ៉ងយួន ហ៊ុន សែន និងអាណានិគមយួនឈ្លានពាន ហើយរួបរួមគ្នាដើម្បីរំដោះ ជាតិ សាសនា ប្រជាជាតិខ្មែរ ឱ្យមាន សន្តិភាព ឯករាជ្យភាព និងប្រជាធិបតេយ្យពិតប្រាកដនៅក្នុងប្រទេសកម្ពុជា។

Home Khmer News Video World News Khmer Book Khmer Poems Sitemaps Login Website