គាត់ ត្រូវបានអនុញ្ញាតឲ្យកាន់ក្បាលមីក្រូ និយាយឆ្លើយឆ្លងជាមួយមេដឹកនាំគណបក្សប្រឆាំងនៅក្នុងសន្និសីទកាសែត តាមវីដេអូកាលពីព្រឹកមិញ ។ លោក ប៊ុនធឿន បាននិយាយប្រាប់លោកសមរង្ស៊ីថា គាត់ត្រូវបានដោះ លែងកាលពីយប់មិញ ជាមួយមនុស្ស៣នាក់ទៀត ដែលម្នាក់ត្រូវបានដោះលែងមុន ។ ក្នុងនោះ២នាក់បានសម្រាកពេទ្យ ហើយម្នាក់ទៀតបានទៅកាន់លំនៅដ្ឋានក្នុងទីក្រុងប៉ៃលិន ។
អតីតទណ្ឌិតរូបនេះ ត្រូវបានសួរសុខទុក្ខនិងស្វាគមន៍ដោយលោកសមរង្ស៊ី ។ អ្នកស្រី វ៉ែន រ៉ា បានឲ្យដឹងថា ព្រះរាជក្រឹត្យរបស់ព្រះមហាក្សត្រកាលពីថ្ងៃទី២២កញ្ញា កន្លងទៅ បានបង្គាប់ឲ្យដោះលែងទណ្ឌិតដែលរងការចោទប្រកាន់ពាក់ព័ន្ធចលនាCFF ៥នាក់ក្នុងចំណោម៧នាក់ ដែលត្រូវបានតុលាការខ្មែរកាត់ទោសឲ្យជាប់ពន្ធនាគារម្នាក់ៗ៥ ឆ្នាំ កាលពីចុងឆ្នាំ២០០៥ ។ អ្នកស្រីបានបដិសេធថា ប្ដីរបស់អ្នកស្រីពុំមានពាក់ព័ន្ធជាមួយចលនាCFFទេ ហើយឈ្មោះនេះ ត្រូវបានគេភ្ជាប់ជាមួយអ្នកប្រឆាំងជាលេស ដើម្បីបានលេសចាប់ខ្លួន ៕
0 comments:
Post a Comment