Print 
PDF
ព្រហស្បតិ៍ 13 តុលា 2011 11:07 AM
នៅថ្ងៃនេះ សហជីពសេរីកម្មករ នៃព្រះរាជាណាចក្រកម្ពុជា ដែលដឹកនាំដោយលោក ជា មុនី បានដាក់លិខិតមួយច្បាប់ទៅកាន់ប្រធានមន្ទីរការងារ និងបណ្តុះបណ្តាលវិជ្ជាជីវៈខេត្តកណ្តាល ដោយប្តឹងក្រុមហ៊ុនកាត់ដេរ ខេមវែល មានទីតាំងនៅភូមិត្នោតមួយដើម ឃុំបែកចាន ស្រុកអង្គស្នួល ខេត្តកណ្តាល ចំពោះការបញ្ឈប់កម្មការិនីដោយខុសច្បាប់។
លិខិតចុះថ្ងៃទី១៣ ខែតុលា ឆ្នាំ២០១១ របស់លោក ជា មុនី ប្រធានសហជីពសេរីកម្មករ នៃព្រះរាជាណាចក្រកម្ពុជាបានលើកឡើងថា កាលពីថ្ងៃទី១២ ខែតុលា សហជីពបានទទួលលិខិតពឹងពាក់មួយច្បាប់ពីថ្នាក់ដឹកនាំសហជីពសម្លេងយុវជនខ្មែរប្រចាំក្រុមហ៊ុនខេមវ៉ែល សុំឲ្យជួយអន្តរាគមន៍ និងដោះស្រាយពីបញ្ហាដែលក្រុមហ៊ុននេះបានបញ្ឈប់ពួកគេពីការងារ។
ដោយយោងទៅលើច្បាប់ស្តីពីការងារដែលបានចែងថា រាល់ការបញ្ឈប់ណាមួយអាចធ្វើទៅបាន លុះត្រាណាមានការយល់ព្រមពីអធិការកិច្ចការងារជាមុនសិន លើកលែងតែមានកំហុសធ្ងន់ និងដោយយោងតាមលិខិតពឹងពាក់ដែលបញ្ជាក់ថា ការបញ្ឈប់ពួកគេពីការងារដោយសំអាងការរំលាយសហជីព សហជីពសេរីកម្មករចាត់ទុកថា ការបញ្ឈប់នោះគឺជាការខុសច្បាប់ ព្រោះបើទោះបីជាសហជីពរំលាយក៏ដោយ ក៏មិនប៉ះពាល់ដល់ការងាររបស់ពួកគាត់ឡើយ។
លិខិតរបស់លោក ជា មុនី បានបន្តទៀតថា កម្មការិនីដែលជាថ្នាក់ដឹកនាំសហជីពប្រចាំក្រុមហ៊ុននោះ ត្រូវលោក លឹម ឡូត ប្រាប់ថា ក្រុមហ៊ុនបានផ្តល់ប្រាក់ពី៨០០ ទៅ១០០០ដុល្លារអាមេរិកដល់ពួកគេ។ ប៉ុន្តែដោយប្រាក់ទាំងនេះមិនទូទាត់ទៅតាមផ្លូវច្បាប់ ពួកគាត់មិនទទួលយក ហើយសុខចិត្តធ្វើការដដែល។ នៅពេលដែលពួកគាត់ចូលទៅធ្វើការ ស្រាប់តែសន្តិសុខមិនឲ្យពួកគាត់ចូលក្នុងក្រុមហ៊ុន ដោយប្រាប់ថា ប្រធានក្រុមហ៊ុនមិនឲ្យចូល។
ចំពោះបញ្ហានេះ លោក ជា មុនី បានស្នើឲ្យប្រធានមន្ទីរការងារខេត្តកណ្តាល ឲ្យជួយអន្តរាគមន៍និងដោះស្រាយ ដោយឲ្យក្រុមហ៊ុនទទួលយកកម្មករទាំងនោះចូលធ្វើការវិញ បើពុំនោះទេ ត្រូវទូទាត់ប្រាក់បំណាច់ផ្សេងៗតាមច្បាប់ស្តីពីការងារ៕
ដោយយោងទៅលើច្បាប់ស្តីពីការងារដែលបានចែងថា រាល់ការបញ្ឈប់ណាមួយអាចធ្វើទៅបាន លុះត្រាណាមានការយល់ព្រមពីអធិការកិច្ចការងារជាមុនសិន លើកលែងតែមានកំហុសធ្ងន់ និងដោយយោងតាមលិខិតពឹងពាក់ដែលបញ្ជាក់ថា ការបញ្ឈប់ពួកគេពីការងារដោយសំអាងការរំលាយសហជីព សហជីពសេរីកម្មករចាត់ទុកថា ការបញ្ឈប់នោះគឺជាការខុសច្បាប់ ព្រោះបើទោះបីជាសហជីពរំលាយក៏ដោយ ក៏មិនប៉ះពាល់ដល់ការងាររបស់ពួកគាត់ឡើយ។
លិខិតរបស់លោក ជា មុនី បានបន្តទៀតថា កម្មការិនីដែលជាថ្នាក់ដឹកនាំសហជីពប្រចាំក្រុមហ៊ុននោះ ត្រូវលោក លឹម ឡូត ប្រាប់ថា ក្រុមហ៊ុនបានផ្តល់ប្រាក់ពី៨០០ ទៅ១០០០ដុល្លារអាមេរិកដល់ពួកគេ។ ប៉ុន្តែដោយប្រាក់ទាំងនេះមិនទូទាត់ទៅតាមផ្លូវច្បាប់ ពួកគាត់មិនទទួលយក ហើយសុខចិត្តធ្វើការដដែល។ នៅពេលដែលពួកគាត់ចូលទៅធ្វើការ ស្រាប់តែសន្តិសុខមិនឲ្យពួកគាត់ចូលក្នុងក្រុមហ៊ុន ដោយប្រាប់ថា ប្រធានក្រុមហ៊ុនមិនឲ្យចូល។
ចំពោះបញ្ហានេះ លោក ជា មុនី បានស្នើឲ្យប្រធានមន្ទីរការងារខេត្តកណ្តាល ឲ្យជួយអន្តរាគមន៍និងដោះស្រាយ ដោយឲ្យក្រុមហ៊ុនទទួលយកកម្មករទាំងនោះចូលធ្វើការវិញ បើពុំនោះទេ ត្រូវទូទាត់ប្រាក់បំណាច់ផ្សេងៗតាមច្បាប់ស្តីពីការងារ៕
0 comments:
Post a Comment