Print 
PDFអង្គារ 06 កញ្ញា 2011 12:32 PM | មាសមុន្នី
ប្រធានគណៈកម្មាធិការកម្ពុជាឯករាជ្យប្រឆាំងអំពើពុករលួយ ដែលជាអង្គការសង្គមស៊ីវិល បានចោទនាយរងកងអង្គរក្ស ហ៊ុន សែន ថា បានប្រើប្រាស់អំណាចឆក់ប្លន់យកដីប្រជាពលរដ្ឋនៅក្នុងភូមិ សាស្រ្តភូមិ៤ សង្កាត់ អូរត្រេះ ក្រុងព្រះសីហនុ ។
លោកស្រីម៉ម ស៊ីថា នៅក្នុងសន្និសីទកាសែតព្រឹកមិញ
លោក ស្រី ម៉ម ស៊ីថា បានមានប្រសាសន៍ប្រាប់សន្និសីទកាសែត នៅព្រឹកថ្ងៃអង្គារនេះថា “លោក ណឹមម៉ង ជាឧត្ដមសេនីយ៍ទោមេបញ្ជាការរងនៃកងអង្គរក្ស ហ៊ុន សែ បានប្រើអំណាចឥទ្ធិពលរំលោភយកដី របស់អ្នកស្រី សុខ នាងហ្គិច ដែលបន្សល់ទុកពីសពស្វាមី របស់គាត់ទំហំ ៩ហិចតា ១៨អា និង៩២ សង្ទីអា ស្ថិតនៅភូមិ៤ សង្កាត់ អូរត្រេះ ក្រុង ព្រះសីហនុ ។រួមទាំងការប្រឆាំងការអនុវត្តសាលក្រម ដែលតុលាការបានកាត់ដីនេះ មកឲ្យជនរងគ្រោះ ” ។
ដោយយោងទៅលើការថ្លែងរបស់ ហ៊ុន សែន កាលពីថ្ងៃទី
២៨ ខែ មករា ឆ្នាំ ២០១០នោះ លោកស្រីបានបន្តថា ” លោក ណឹម ម៉េង បានប្រើប្រាសទាហានរដ្ឋាភិបាល ក្នុងការយាមដីនោះ ដោយ មិនឲ្យម្ចាស់កម្មសិទ្ធិ ទៅក្បែរដីនោះទេ , ដោយ មិនគិតពីច្បាប់ បើគិតទៅលើការថ្លែងរបស់សម្ដេចនាយក គឺគាត់ខុសទាំងស្រុង ។ ខ្ញុំចង់ឲ្យមានការគោរពច្បាប់ ជាជាងការប្រើសាច់ដុំដោះស្រាយបញ្ហា ” ៕
0 comments:
Post a Comment